Երկրորդական ավտոշուկայի վաղեմի առաջատար «Կարկոմավտո» ընկերությունն իր ավանդույթներին համաձայն Ամանորին ընդառաջ կրկին հանդես է գալիս գրավիչ առաջարկներով, այս անգամ ներկայացնելով ձախ ղեկով մոդելների հարուստ տեսականի՝ չափազանց գրավիչ գներով և ձեռք բերման ճկուն պայմաններով:

Լոս-Անջելեսում հիմնված Thor Trucks ստարտափը ներկայացրեց էլեկտրական բեռնատար քարշակի նոր նախատիպ, որն, ըստ հիմնադիրների, պետք է  մրցակցի  Tesla Semi-ի հետ: Մեկ լիցքավորումով բեռնատարը կկարողանա հաղթահարել մինչև 480 կիլոմետր, իսկ դրա բեռնատարողությունը կկազմի 36 տոննա:

Շվեդական Volvo ընկերությունը նախաձեռնել է իր իսկ նախագծած ինքնավար համակարգի ակտիվ ճանապարհային փորձարկումները՝ համագործակցելով հանրահայտ Uber ծառայության հետ, ինչպես նաև իրականացնելով սեփական ծրագրեր մասնավոր սեգմենտում:

Renault ընկերությունը, զարգացնելով իր արդեն իսկ բարձրաձայնած գաղափարները,  ներկայացրել է ինքնուրույն կառավարման, էլեկտրական համակարգերի և կոմունիկացիոն տեխնոլոգիաների ոլորտում հեռանկարային նախագծումների ցուցադրական հենահարթակը՝ Symbioz անունը ստացած կոնցպտուալ ավտոմեքենան: Խելացի տան համակարգերի մեջ ինտեգրված այս ավտոմեքենան սարքավորված է չորրորդ մակարդակի ավտոպիլոտով և ուղևորների համար նախատեսված վիրտուալ իրականության համակարգով:  

2015 թ. վերջից շուկա հանված F-Pace մոդելը իսկական հաջողոթյուն բերեց Jaguar-ին: Դրա ապացույցներից մեկն էլ այն է, որ այսօր արդեն բրիտանական ընկերությունը տոնում է իր առաջին ամենագնաց ավտոմեքենայի 100000-երորդ օրինակի թողարկումը: Այդ կապակցությամբ Jaguar-ի գործարան այցելեց ոչ այլ ոք, քան «Մանչեսթեր Յունայթեդ» ակումբի գլխավոր մարզիչ Ժոզե Մոուրինյոն, ով հանդիսանում է նաև Jaguar ապրանքանշանի դեսպանը: