Cadillac ընկերությունը ներկայացրել է Escalade IQ անվանումը ստացած գերհզոր էլեկտրական քրոսովերը։ Նորույթի հիմքում ընկած է ֆիրմային Ultium հենահարթակը՝ 800-վոլտանոց էլեկտրական կառուցվածքով։ Ակնկալվում է, որ մոդելը զգալիորեն ավելի մատչելի կլինի, քան Cadillac Celestiq-ը, որը առաջարկվում է շուրջ 340 000 դոլարով։
Lexus ընկերությունը ներկայացրել է RX քրոսովերի ցանցից լիցքավորվող մոդիֆիկացիան, որը ստացել է RX 450h+ անվանումը։ Ավտոմեքենան սարքավորված է բենզաէլեկտրական ագրեգատով, որը բաղկացած է 2,5 լիտր ծավալով ներքին այրման շարժիչից և երկու էլեկտրական շարժիչներից։ Դրանք միասին զարգացնում են 304 ձիաուժ հզորություն։
Toyota ընկերությունը Հյուսիսային Ամերիկայում ներկայացրել է վեցերորդ սերնդի Land Cruiser Prado ամենագնացը։ Ճապոնացիները առաջարկում են ռետրոոճի երկու դիզայներական լուծում՝ պահպանելով նաև «հին ու բարի» 2TR-FE մթնոլորտային շարժիչը, ինչպես նաև ընդլայնելով ագրեգատների գամման i-Force Max հիբրիդային համակարգով, որի հիմքում ընկած է քառագլան տուրբոշարժիչը։
Բրիտանական McLaren ընկերությունը ներկայացրել է 750S սուպերկարի նոր բացառիկ գունային լուծումը՝ Spectrum անվանմամբ։ McLaren Special Operations ստորաբաժանման նախագծած ավտոմեքենան ցուցադրում է թափքի ներկվածքի նոր տեխնոլոգիան, որի առանձնահատկությունը կազմում է տոնային շեղումը։ Հասանելի կլինի ձևավորման երեք տարբերակ՝ կապույտ Spectrum Blue-ն, նարնջագույն Spectrum Orange-ը և գորշ Spectrum Grey-ը։
Գերմանական Volkswagen ընկերությունը նշում է Jetta-ի հոբելյանը՝ թողարկելով GLI 40th Anniversary Edition սերիան։ Սեդանի 40-ամյակի մասին կհիշեցնեն մուգ կարմիր կոնտրաստային ներդիրները, օրիգինալ անվասկավառակները և սրահի հատուկ տարրերը։ Ընդահնուր առմամբ կթողարկվի 1984 հատ հոբելյանական Volkswagen Jetta, իսկ առաջին մեքենաները սրահներ կհասնեն արդեն օգոստոսին և կվաճառվեն 28 085 ԱՄՆ դոլարով, ինչը նույնսիկ 11 տոկոսով ավելի մատչելի է, քան սովորական մոդիֆիկացիան։
