Ռուսական «Կալաշնիկով» կոնցերնը, որն աշխարհով մեկ հայտնի է AК-47 ավտոմատի զանազան մոդիֆիկացիաներով, Մոսկվայում կայացած Army 2017 Ռազմական տեխնիկայի միջազգային ցուցահանդեսում ներկայացրեց էլեկտրական մոտոցիկլի երկու տարբերակ՝ նախատեսված ռազմական և ոստիկանական կիրառման համար:

Ամերիկյան Built Robotics ստարտափը, որի հիմնադիրն է Google-ի նախկին աշխատակից Նոա Ռեդի-Քեմփբելը, առաջին անգամ ներկայացրեց ավտոնոմ կառավարման համակարգով սարքավորված տրակտոր: Այս մեքենայի աշախատանքը ցուցադրվեց հատուկ նկարահանված տեսահոլովակի միջոցով, որը հետզհետե ճանաչում է վայելում համացանցում: Ընկերությունը շուրջ 15 միլիոն դոլարի ներդրումներ է ստացել հետագա զարգացման համար:

Toyota ընկերությունը Տոկիոյի ավտոսրահում կներկայացնի Sora  անվանումը ստացած ավտոբուսի կոնցեպտ, որն աշխատում է վառելիքային բջիջների հիման վրա կառուցված ուժային ագրեգատով:   Նախատեսվում է, որ  2018 թ. կթողարկվի մոդելի ապրանքային տարբերակը, իսկ երկու տարի անց՝  2020 թ., Ճապոնիայի մայրաքաղաքում անցակցվելիք ամառային Օլիմպիական խաղերից առաջ երթուղի դուրս կգա ավելի քան  100 նման ավտոբուս: 

Polestar ընկերությունը, որը նախկինում հանդիսացել է Volvo-ի թյունինգ-աթելիեն, իսկ այժմ ներկայանում է որպես շվեդական այդ ապրանքանշանին պատկանող առանձին ավտոարտադրող, լայն հասարակությանը ներկայացրել է ինքնուրույն նախագծած իր առաջին մոդելը՝  Polestar 1 անվանումը ստացած կուպեն, ինչն աներկբայորեն մատնանշում է, որ ընկերությունը պատրաստվում է, ինչպես և հայտարարվել էր ամռանը, ոչ ավել, ոչ պակաս մրցակցել Tesla-ի հետ:

Jaguar և Land Rover ապրանքանշանների պաշտոնական ներկայացուցիչ՝ «Ֆորա Պրեմիում» ընկերության տարածքում 2017թ. հոկտեմբերի 14-ին և 15-ին անցկացվեց Land Rover Experience Tour և Jaguar.The Art of Performance Tour համատեղ միջոցառումը, որի ընթացքում ներկաները հնարավորություն ստացան փորձարկել բրիտանական արտադրության այս առասպելական մեքենաներն ու բացահայտել դրանց ողջ պոտենցիալը: Այս ձևաչափի միջոցառում Հայաստանում տեղի էր ունենում առաջին անգամ: Դրան նախապես գրանցվեցին և մասնակցեցին ավելի քան 300 ավտոսիրող: