Toyota ընկերությունը Տոկիոյի ավտոսրահում կներկայացնի Sora  անվանումը ստացած ավտոբուսի կոնցեպտ, որն աշխատում է վառելիքային բջիջների հիման վրա կառուցված ուժային ագրեգատով:   Նախատեսվում է, որ  2018 թ. կթողարկվի մոդելի ապրանքային տարբերակը, իսկ երկու տարի անց՝  2020 թ., Ճապոնիայի մայրաքաղաքում անցակցվելիք ամառային Օլիմպիական խաղերից առաջ երթուղի դուրս կգա ավելի քան  100 նման ավտոբուս: 

Sora-ն համալրվում է արդեն իսկ Toyota Mirai սեդանի վրա տեղադրված ջրածնային ուժային ագրեգատի կատարելագործված տարբերակով: Այն բաղկացած է գումարային 154 ձ.ուժ (335 Նմ) հզորությամբ երկու էլեկտրական շարժիչներից և էլեկտրաքիմիական գեներատորից, որտեղ էներգիա է արտադրվում ջրածնի և թթվածնի ռեակցիայի արդյունքում: Ավտոբուսը կհամալրվի տասը բաքով, որոնք կտեղավորեն շուրջ 600 լիտր ջրածին: 

Սրանից զատ, ավոտբուսը սարքավորվում է 235 կիլովատ-ժամ ծավալով արտաքին էներգասնուցման համակարգով, որն ունի առավելագույն 9 կՎտ հզորություն: Այն կարող է օգատգործվել նաև որպես էներգիայի վթարային աղբյուր տարերային աղետների ժամանակ:  

Կոնցեպտուալ ավտոբուսն առանձնանում է ավտոմատ ծալվող կողային նստատեղերով, հեծանվորդներին և հետիոտներին հայտնաբերելու համար նախատեսված արտաքին տեսախցիկներով և հասարակական տրանսպորտի կանգառներում ավտոմատ արգելակման համակարգով, որն առաջնորդվում է համապատասխան գծանշումներով: Sora-ն պահպանում է անլար կապը այլ տրանսպորտային միջոցների և ճանապարհային ենթակառուցվածքների ստացիոնար օբյեկտների հետ, ինչպես նաև հնարավորոթյուն ունի տեղաշարժվել այլ ավտոբուսների հետ կապակցված: