BMW ընկերությունը Ժնևում ևս մեկ անգամ հաստատեց, որ շարունակում է աշխատել 2017 թվականին Ֆրանկֆուրտում ներկայացված iVision Dynamics մոդելի հիման վրա ստեղծվող նոր մոդելի վրա: Ավտոմեքենայի սերիական տարբերակը կստանա i4 և ոչ թե i5 անվանումն, ինչպես ենթադրվում էր նախկինում, ու կհավաքվի Մյունխենի գործարանում:

Ժնևի միջազգային ավտոսրահում կայացավ BMW M8 Gran Coupe մոդելի համաշխարհային նորամուտը, որը ցույց է տալիս, թե ինչպիսին կլինի վերածնված ութերորդ սերիայի չորսդռնանի տարբերակը: Ներկայացված կոնցեպտի գլխավոր առանձնահատկություններից էր հատուկ քամելեոն-ներկածածկույթը, որը կախված լուսավորությունից կարող է փոխել գույնը կանաչից մինչև մոխրա-կապտագույն: 

Porsche ընկերությունը պաշտոնապես ներկայացրեց կոնցեպտուալ էլեկտրական քրոսովերը, որը ստացել է Mission E Cross Turismo անվանումը: Նախատիպի առաջնամուտը կայացավ Ժնևի ավտոսրահի շրջանակներում:

Ժնևում մեկնարկած միջազգային ավտոսրահում Land Rover ընկերությունը ներկայացրեց  Range Rover ամենագնացի երեքդռնանի տարբերակը՝ SV Coupe անվանմամբ: Մոդելը կթողարկվի սահմանափակ՝ 999 հատ քանակությամբ: Դրանցից յուրաքանչյուրի արժեքը Մեծ Բրիտանիայում կկազմի 240 000 ֆունթ սթերլինգ (մոտ 160 միլիոն դրամ): 

Audi ընկերությունը Ժնևի միջազգային ավտոսրահում ներկայացրեց իր առաջին էլեկտրական մոդելի նախասերիական տարբերակը՝  e-tron անվանումն ստացած քրոսովերը: Ցուցադրված ավտոմեքենան ծածկված է հատուկ քողարկիչ պատկերով՝ e-tron գրվածքով:  Audi-ն դեռևս չի բացահայտում քրոսովերի տեխնիկական մանրամասները՝ նշելով միայն, որ այն կսարքավորվի լիաքարշ համակարգով իսկ 30 րոպե տևողությամբ լիցքավորումը կբավարարի «երկարատև ճանապարհորդության» համար: