BMW iVision Dynamics-ի նախատիպը սարքավորվում է էլեկտրական ուժային ագրեգատով, որի բնութագրերն ընկերությունում գերադասեցին չբացահայտել:  Մեկ լիցքավորումով ավտոմեքենան կարող է անցնել մինչև 600 կիլոմետր: Կոնցեպտի առավելագույն արագությունը հասնում է  200 կմ/ժ, իսկ 0-ից 100 կմ/ժ արագացումը կատարվում է մոտ չորս վայրկյանում: 

BMW iVision Dynamics-ը զուրկ է ռադիատորի ավանդական վանդակաճաղերից: Թափքի առաջնամասի տարրերի մեծամասնությունը հիմնականում քողարկում է զանազան ցուցիչներն ու սենսորները՝  զուգահեռաբար ընդգծելով ապրանքանշանի ֆիրմային ոճը:

Հիշեցնենք, որ նախորդ տարվա վերջում BMW-ն ներկայացրեց մինչև 2025 թվականը փլագին հիբրիդների և էլեկտրական ավտոմեքենաների շարքի զարգացման պլանը: Ըստ այդ փաստաթղթի BMW-ն կթողարկի շուրջ 25 նոր մոդել, այդ թվում տասներկուսը ամբողջովին էլեկտրական ուժային ագրեգատով: Նախատեսվում է, որ դրանցից ամենահզորը կսարքավորվի երեք էլեկտրական շարժիչով, որոնց ընդհանուր հզորությունը կկազմի ավելի քան 800 ձ.ուժ: