Հարավակորեական Genesis G70 սեդանը, որը շուկայում է 2017 թվականից, ենթարկվել է պլանայաին թարմացման: Սեդանի արտաքինը համապատասխանեցվել է վերջերս ներկայացված G80 և GV80 մոդելների նմանությամբ՝ ստանալով նոր ռադիատորային ճաղավանդակ, երկհարկանի օպտիկա և առջևի կողաթևերի ձգված օդակլանիչնչեր: 

Ինչպես նշվեց, Genesis G70-ի դիզայնի գլխավոր առանձնահատկությունը երկու հարկով տեղադրված ֆիրմային օպտիկան և ռադիատորի՝ վահանաձև ճաղավանդակն են: Հետնամասում ուշադրություն են գրավում արտանետման համակարգի օվալաձև խողովակները, իսկ լոգոտիպի փոխարեն բեռնախցիկի դռան վրա գրված է մակնիշի անվանումը: Որոշակի մոդերնիզացում նկատելի է նաև սրահում, որտեղ առաջարկվում է մուլտիմեդիա համակարգի 10,25-դյույմանոց էկրան նախկին 8-դյույմանոցի փոխարեն: Սարքավորումների ծրագրերը կարող են թարմացվել հեռահար կարգով: 

Տեղական շուկայում մոդելային շարքի «կրտսեր» սեդանը առաջարկվում է նախկինից հայտնի ուժային ագրեգատներով՝ 2,0 և 3,3 լիտր ծավալով և համապատասխանաբար 252 և 370 ձ.ուժ հզորությամբ երկու բենզինային շարժիչներով, ինչպես նաև 2,2 լիտր ծավալով և 202 ձ.ուժ հզորությամբ դիզելային շարժիչով: Միևնույն ժամանակ հայտնի է, որ մոդիֆիկացիաները կարող են տարբերվել՝ կախված իրացման շուկաներից, և, օրինակ, ԱՄՆ-ում G70-ը կզրկվի մեխանիկական փոխանցումատուփից: