Ֆրանսիական Renault ընկերոությունը էլեկտրական Kangoo Z.E. և Master Z.E ֆուրգոնների մոդելային շարքում ներառել է ջրածնային վառելիքի տարրերով աշխատող  տարբերկաներ: Այսպիսի մեքենաների ընթացքի պաշարը կարող է մինչև երեք անգամ ավելի մեծ լինել, քան մաքուր էլեկտրական մոդիֆիկացիաներինը:

Նորույթների՝ ջրածնով աշխատող ուժային համակարգը ունակ է գեներացնել մինչև 10 կՎտ էլեկտրաէներգիա: Դրա շնորհիվ փոքր կոմերցիոն էլեկտրական Kangoo-ն կարող է հաշվարկային 230 կիլոմետրի փոխարեն մեկ լիցքավորումով հաղթահարել  370 կիլոմետր: Ընդ որում ջրածնի բաքերի լիցքավորումը պահանջում է ընդամենը 5-10 րոպե:

Էլ ավելի տպավորիչ է Master Z.E Hydrogen մեծ ֆուրգոնի ցուցանիշը, որի խցիկով շասսի մոդիֆիկացիան կարող է անցնել 350 կիլոմետր, այն դեպքում երբ մաքուր էլեկտրական մոդիֆիկացիայի ընթացքի պաշարը կազմում է 120 կիլոմետր: Ճիշտ է՝ ջրածնային բալոնների և էլեկտրաքիմիական գենարտորի տեղադրման հետևանքով մոդելի զանգվածն աճել է 200 կիլոգրամով: 

Նշված մոդելներից առաջինը շուկա է հանվել Kangoo Z.E. Hydrogen-ը, որը Ֆրանսիայում վաճառվում է 2019 թվականի վերջից: Master Z.E Hydrogen-ի վաճառքների մեկնարկը նախատեսած է 2020 թվականի առաջին կիսամյակում: