Մինչև 2020 թվականի ավարտը Եվրոպայում կսկսվեն ջրածնային վառելիքով աշխատող Toyota Mirai սեդանի նոր սերնդի մոդելի վաճառքները: Նոր ավտոմեքենենան կառուցվել է TNGA հենահարթակի հիման վրա և այսուհետ կառջարկվի հինգ նստատեղերով: Երկրորդ սերնդի Toyota Mirai-ի դիզայնը գրեթե նունն է, ինչ անցած տարի Տոկիոյի ավտոսրահում ներկայացված նախասերիական մոդելինը:

Նորույթը ավելի մեծ է, քան իր նախորդը: Անվային բազան աճել է 140 միլիմետրով և այժմ կազմում է 2920 մմ, լայնությունն էլ աճել է 70 միլիմետրով՝ կազմելով 1885 մմ: Մոդելի երկարությունն ու բարձրությունը համապատասխանաբար 4975 և 1470 մմ են: Սրահում առաջացած լրացուցիչ տարածությունը օգտագործվել է հետևի երկու առանձին նստատեղերը բազմոցով փոխարինելու համար, այնպես որ այսուհետ երկրորդ շարքում կարող է տեղավորվել մինչև երեք ուղևոր:

Եվս երկու կարևոր նորույթ. ջրածնային վառելիքի բաքերի ծավալի մեծացումը (դրանք ընդամենը երեքն են), և վառելիքային բջիջների համակարգի կատարելագործումը: Դրանց շնորհիվ ջրածնամոբիլի ընթացքի պաշարը աճել է գրեթե երեսուն տոկոսով և այժմ կազմում է մոտ 650 կիլոմետր: Սրահում հայտնվել են սարքավորումների թվային վահանակը, մուլտիմեդիա համակարգի՝ դեպի վարորդը ուղղված 12,3-դյույմանոց սենսորային էկրանը, սմարթֆոնների անլար լիցքավորման մոդուլը և փոխանցումների փոխարկման ջոյսթիքը:

Հիշեցնենք, որ 2014 թվականին առաջին Toyota Mirai-ի ցուցադրումից հետո ընդհանուր առմամբ իրացվել է ջրածնային այս սեդանի մոտ 10 000 օրինակ: Ընդ որում ճապոնական շուկայից դուրս այն շատ ավելի մեծ սեր է վայելում ԱՄՆ-ում, քան այլ տարածաշրջաններում: Այսպես, 2018 թվականի տվյալներով, Եվրոպայում վաճառվել է Mirai-ի 160 օրինակ, մինչդեռ Հյուսիսային Ամերիկայում՝ 1 700-ը: