Mercedes-AMG ընկերությունը հրապարակել է իր մոդելային շարքի «ամենակրտսեր» մոդելի հերթական պատկերները: Խոսքը «լիցքավորված» A35 հեչբեքի մասին է: Լուսանկարները գաղափար են տալիս ավտոմեքենայի առաջնամասի և հետնամասի, ինչպես նաև աերոդինամիկ լուծումների մասին:  

Լուսանկարները հրապարակվել են մոդելի պաշտոնական ներկայացմանն ընդառաջ կազմակերպված արշավի շրջանակներում: Մինչ այդ արդեն իսկ հայտնի էր առջևի օպտիկայի և ռադիատորի վանդակաճաղի տեսքը: Վերջինս, ի տարբերություն ամենաբարձր AMG-տարբերակների, կսարքավորվի ավանդական հորիզոնական երկու ձողերով՝ Panamericana ոճի ուղղաձիգների փոխարեն:

Նախնական տեղեկատվությամբ Mercedes-AMG A35-ը կառաջարկվի լիաքարշ տարբերակով և երկլիտրանոց տուրբոշարժիչով, որը կապահովի մոտ 300 ձ.ուժ հզորություն: Ագրեգատը կհամակցվի յոթաստիճան ռոբոտացված փոխանցումատուփի հետ, քանի որ 9-աստիճան ավտոմատը չի առաջարկում  «կրտսեր» մոդելների համար:

Ենթադրվում է, որ մոտակա տարվա ընթացքում Mercedes-AMG մոդելային շարքում կհայտնվեն նաև թոփային A45-ն ու էլ ավելի էքստրեմալ A45 S, որոնց շաժիչների հզորությունը կգերազանցի 400 ձիաուժը: