Սեպտեմբերի 21-23-ը Իջևան քաղաքում Multi Force 2018 ավտոմրցարշավի շրջանակներում, որը տարածաշրջանի ամենախոշոր ավտոմրցարշավն է, տեղի կունենա «Armenian Extreme Fest»-ը,  որին կմասնակցեն շուրջ 200 վարորդներ ՀՀ-ից, Վրաստանից, Ռուսաստանից, Պարսկաստանից, Թուրքիայից։  Փառատոնի շրջանակներում հանդիսատեսը հնարավորություն կունենա օգտվել Յելլ Էքստրիմ Պարկի հայտնի «կամազից», ինչպես նաև զբագվել պարագլայդինգով, փեյնթբոլով, սքայբոլով։ 

Միջոցառման հիմնական կազմակերպիչը «Հայաստանի 4х4 օֆֆ-ռոուդ ակումբն» է՝ ՀՀ Սպորտի և երիտասարդության նախարարության պաշտոնական աջակցությամբ: կմեկնարկի սեպտեմբերի 21-ին ժամը 18։00-ից և կավարտվի սեպտեմբերի 23-ին, ժամը 14։00-ին։

Միջոցառման օրակարգը․ 

Սեպտեմբերի 21-ին

- 16։00-ից կժամանեն մրցարշավի մասնակիցները Հայաստանից, Վրաստանից, Ռուսսաստանից, Պարսկաստանից ու Թուրքիայից, կկայանա մամլո ասուլիս և բրիֆինգ;

- 20։00-ից մրցարշավի տարածքում կլինեն կենդանի երաժշտություն, խարույկ և ավանդական հայկական ուտելիքներ։ 

Գիշերակացը կկազմակերպվի վրաններում։ Սեփական վրաններով եկողների կեցությունն անվճար է։ 

Սեպտեմբերի 22-ին

- 9։00-ից 18:00 տեղի կունենա Մուլտի Ֆորս ավտոմրցարշավը՝ բազմաթիվ մասնակիցներ տարբեր երկրներից, խելահեղ ճանապարհներ, ադրենալին ու դրայվ։

 

-20:00-ին «Վեգա» ընկերության կողմից կազմակերպված տարբեր խաղերի հաղթողները կստանան իրենց անակնկալ նվերներնը, որից հետո կրկին կշարունակվեն բարձր տրամադրությունն ու կենդանի երաժշտությունը։

 

Սեպտեմբերի 23-ին

- Առավոտյան տեղի կունենա մրցանակաբաշխությունը, և առաջին 4 հաղթողները կստանան դրամական պարգևներ և 4 Լադա Նիվա մակնիշի մեքենաներ՝ Մուլտի Գրուպ կոնցեռնի կողմից։

Հանդիսատեսի մուտքն ազատ է։

Միջոցառման Գլխավոր գործընկեր՝ «Դիլիջան» գարեջրի գործարան, հովանավորներ՝ «Ֆլեշ Մոթորս» ՍՊԸ, «Ռան-Օյլ» ՍՊԸ, RMS Ռոբմետալստալ ՍՊԸ, «Վեգա» ընկերություն, ինֆորմացիոն հովանավոր «Ավտոդրայվ» հաղորդաշար։ Հետևեք նաև մեր կայքի թարմացումներին: