Lexus ընկերությունը ներկայացրել է LC 500 կուպեի հատուկ տարբերակը՝ Yellow Edition անվանմամբ: Սովորական մեքենաներից այն տարբերվում է թափքի վառ դեղին՝ Flare Yellow ծածկույթով, կիսաանիլինային  և ալկնատարա կաշվով լրամշակված ինտերիերով, ինչպես նաև Sport+ համալրման հատուկ սարքավորումներով:

 

 

Ընտրված գունային լուծումները կիրառվում են նաև սպորտային կուպեի ինտերիերի լրամշակման մեջ: Դեղին ալկանտարան նկատելի է դռների ներդիրներում, իսկ սպիտակ կաշվով լրամշակված նստատեղերի, սարքավորւմների վահանակի վերդիրի, ղեկի և կենտրոնական արմնկակալի դարձակարերը կրկին արված են վառ դեղին թելով:

 

 

Lexus LC 500 կուպեի հատուկ տարբերակն առանձնանում է պրոյեկցիոն դիսփլեյով և 10 հարաչափով էլեկտրակարգավորվող նստատեղերով: Ավտոմեքենայի Sport+ տարբերակի ղեկային մեխանիզմն աչքի է ընկնում փոփոխական հարաբերակցային թվերով: Այս ամենին գումարվում է նաև ամբողջովին կառավարելի շասսին, միջսռնային Torsen դիֆերենցիալը, 21-դյույմանոց անվասկավառակները, կարբոնով ամրացված պլաստիկից տանիքը և ակտիվ հետևի սփոյլերը: