Skoda Karoq կոմպակտ քրոսովերը այսուհետ կառաջարկվի գերանցողունակ Scout համալրմամբ: Մոդիֆիկացիայի առանձնահատկություններից են էքստերիերի արծաթագույն տարրերը, ինչպես նաև 18-դյույմանոց անվասկավառակներն ու լիաքարշ համակարգն արդեն բազային տարբերակում:

Skoda Karoq Scout-ն առաջարկվում է երեք տեսակի ուժայն ագրեգատներով: Քրոսովերը կարելի է սարքավորել 1.5-լիտրանոց բենզինային TSI տուրբոշարժիչով (150 ձ.ուժ), կամ երկու տարբեր հզորություններով 2.0-լիտրանոց դիզելներով՝ 150 և 190 ձ.ուժ տարբերակներով:  Բոլոր շարժիչները զուգորդվում են 7-աստիճան ռոբոտացված փոխանցումատուփով, իսկ առավել թույլ դիզելայինի համար հասանելի է 6-աստիճան մեխանիկական փոխանցումատուփը: 

Karoq Scout-ը որպես կանոն համալրվում է  18-դյույմանոց անվասկավառակներով, իսկ 19-դյույմանոց անիվները հասանելի են լրացուցիչ վճարով: Մոդելի առանձնահատկությունների թվում են ապակիների գունամշակումը, չժանգոտող պողպատից ոտնակները, լուսավորության ամբողջական LED-փաթեթը, սրահի ֆոնային լուսավորությունը, սարքավորումների վիրտուալ վահանակն ու մուլտիմեդիա համակարգը՝ 4G LTE և WiFi հասանելիությամբ:

Հիշեցնենք, որ կոմպակտ Skoda Karoq-ը կառուցված է նույն MQB  մոդուլային հենահարթակի հիման վրա, ինչը և նոր Volkswagen Tiguan-ը: