Pagani Zonda HP Barchetta եզակի մոդելը դարձել է աշխարհի ամենաթանկ նոր ավտոմեքենան: Top Gear հանդեսին տրված հարցազրույցում ընկերության ղեկավար Հորացիո Պագանին հայտարարել է, որ այս սուպերկարը արժի 15 միլիոն եվրո: Այսպիսով այն ավելի թանկ է, քան մեկ օրինակով արտադրված Rolls-Royce Sweptail-ը, որը գնահատվում է 11,2 միլիոն եվրո:

«Բարկետան» կթողարկվի երեք օրինակով, որոնցից մեկն արդեն իսկ պատկանում է հենց Հորացիո Պագանիին: Սովորական Zonda-ից HP Barchetta-ն տարբերվում է տանիքի բացակայությամբ, կտրված առջևի կանգնակներով և հետևի անիվների վրա ռակա ածխամանրաթեկային աերոդինամիկ վերդիրով: 

Ավտոմեքենայի ինտերիերն իրականացված է բեժ գույնով: Huayra BC մոդելից փոխառած նստատեղերը լրամշակված են վանդակաձև նախշազարդով: Սուպերկարը սարքավորված է 6.0-լիտրանոց երկտուրբո V12 շարժիչով, որը զարգացոնում է 800 ձ.ուժ: Այն համակցվում է վեցաստիճան մեխանիկական փոխանցումատուփի հետ:  

Հիշեցնենք, որ Zonda մոդելը արտադրվել է 1999-ից մինչև 2011 թվականը: Վերջին տարբերակը կրում էր Tricolore անվանումը: Զանգվածային արտադրությունը դադարեցնելուց հետո, այնուամենայնիվ Pagani-ն պարբերաբար շուկա է հանում էքսկլյուզիվ մոդիֆիկացիաներ: