Carlex Design աթելիեն ներկայացրել է Mercedes-Benz X-Class պիքապի շքեղ տարբերակը՝ Yachting Edition անվանմամբ: Այն ստացել է թափքի ածխածնային մանրաթելից պատրաստված նոր տարրեր, ինչպես նաև Mercedes-Maybach S650 կաբրիոլետից փոխառած լուծումներ:

Mercedes-Benz X-Class-ի համար Carlex-ի մասնագետները նախագծել են կարբոնային համալիր լուծում, որը բաղկացած է տասնհինգ տարբեր մասերից: Ի թիվս այլ տարրերի այն ներառում է առջևի թափարգելը, կապոտի վերդիրը, հետևի թափարգելը, սփոյլերը, անվասկավառակները և հետևի լուսարձակների շրջանակները:  

Ավտոմեքենայի սրահն ամբողջությամբ վերաձևափոխվել է՝ Nappa Porzellan կաշվի (այն կիրառվում է Mercedes-Maybach վերջին մոդելների լրամշակման համար), ալկանտարա կաշվի և փայտի էկզոտիկ տեսակների օգնությամբ: 

Բացի այդ X-Class-ի վրա տեղադրվել են Mercedes-Maybach S650-ի անվասկավառակներն ու ռադիատորի վանդակաճաղը, իսկ ավտոմեքենայի թափքն էլ ստացել է հատուկ գունային համադրություն՝ բաց բեժից մինչև շոկոլադային դարչնագունւյը:

Mercedes-Benz X-Class Yachting Edition-ը կթողարկվի սահմանափակ քանակությամբ: Մոդելի նախնական արժեքը կկազմի մոտ 105 հազար եվրո (59 միլիոն դրամ):