Ինչպես արդեն պատմել էինք, Q8 մոդելի համաշխարհային պրեմիերային ընդառաջ  Audi ընկերությունը հայտարարել է մի քանի մասից բաղկացած և Q8 Unleashed ամվանումը ստացած արկածային սերիալի թողարկման մասին: Մայիսի 21-ին ներկայացվեց պատմության առաջին մասը:

Ֆիլմը պատմում է հաջողակ զույգի մասին (ենթադրաբար՝ բրենդի թիրախային լսարանը), որը մեքենայով վերադառնում է տուն՝ ռոմանտիկ երեկո անցկացնելու: Սակայն մինչ հերոսուհին լոգանք է ընդունում, իսկ հերոսը լցնում է շամպայնի բաժակները, տուն են ներխուժում դիմակավորված մարդիկ և առևանգում տղամարդուն: Որոշ ժամանակ անց նա ուշքի է գալիս ինչ-որ անհասկանալի վայրում: Հատկանշական է, որ առևանգիչները չէին վերցրել նրա հեռախոսը: Քվենտինը (այսպես է հերոսի անունը) զանգ է ստանում սիրեցյալից, որն ուզում է հասկանալ, թե ինչ է կատարվում, բայց դեռևս ոչ մի բան պարզ չէ: Դուրս գալով սենյակից՝ հերոսը հայտնաբերում է, որ գտնվում է անապատի կենտրոնում ծվարած ինչ-որ կիսախարխուլ շինության մեջ:

Սերիալի երկրորդ դրվագը կթողարկվի մայիսի 24-ին, երրորդը՝ 28-ին, չորրորդն ու հինգերորդն էլ՝ արդեն հունիսի 1-ին և 5-ին, երբ Չինաստանում կկայանա Audi Q8-ի պաշտոնական շնորհանդեսը: