Audi ընկերությունը հրապարակել է նոր կուպեատիպ Q8 քրոսովերի հերթական պատկերը: Դրան զուգահեր գերմանացիները հայտարերցին հինգ տեսանյութերից բաղկացած և Q8 unleashed անվանումը կրող արկածային տեսահոլովակների շարքի թողարկման մասին, որը ժամանցային ձևով կներկայացնի նոր մոդելի  առանձնահատկությունները:

Արդեն իսկ հրապարակված տվյալներից հայտնի է, որ Audi Q8-ի հիմքում ընկած կլինի  MLB մոդուլային հենահարթակը, որն արդեն իսկ օգտագործվել է  Bentley Bentayga, Lamborghini Urus և Audi Q7 ավտոմեքենաների նախագծման ժամանակ: Q8-ը կսարքավորվի մշտական լիաքարշ համակարգով և ութաստիճան ավտոմատ փոխանցումատուփով: 

Ուժային ագրեգատների շարքը բաղակացած կլինի բենզինային և դիզելային V6 շարժիչներից, SQ7 մոդելից փոխառած դիզելային V8 շարժիչից և, հավանաբար, երեքլիտրանոց տուրբոշարժիչի հիման վրա նախագծված հիբրիդային տարբերակից:  Ավելի ուշ ենթադրվում է օգտագերծել նաև Lamborghini Urus-ի 4,0-լիտրանոց V8 շարժիչը: 

Չնայած այն հանգամանքին, որ ընթացիկ տարվա սկզբին մոդելն արդեն իսկ նկարահանվել էր ավտոպապարացիների կողմից, Audi Q8-ի հանրային նորամուտը տեղի կունենա Q8 unleashed սերիայի բոլոր հինգ տեսահոլովակների ցուցադրումից անմիջապես հետո: Դրանցից առաջինը կթողարկվի մայիսի 21-ին, իսկ վերջինը հունիսի 5-ին, և բոլորը կկարողանաք տեսնել մեր կայքում: