Jaguar ընկերությունը նշում է առասպաելական XJ սեդանի 50-ամյակը և այդ կապակցությամբ ներկայացնում է հատուկ նախագծված հատուկ մոդիֆիկացիան: Նորույթը հանրությանը ցուցադրվեց Պեկինի ավտոսրահում և հասանելի կլինի նաև մյուս երկներում:

Սովորական Jaguar XJ-ից հատուկ մոդելը տարբերվում է Autobiography թափարգելներով, հատուկ նախագծված 20-դյույմանոց անվասկավառակներով, ռադիատորի սև վանդակաճաղով, ինչպես նաև մոդելի անվանումը՝ XJ50, անվանումը կրող հատուկ նշաններով, որոնք կարելի է գտնել առջևի և հետևի օդակլանիչների վրա: Նորույթը առաջարկվում է թե սովորական, թե երկարացված անվային բազայով, ինչպես նաև հնարավոր է ընտրել շարժիչը՝ 340 ձ.ուժ հզորությամբ բենզինային կամ  300 ձ.ուժ հզորությամբ դիզելային տարբերակներից: 

Նստատեղերը լրամշակված են շեղանկյուն դարձակարերով կաշվով, գլխակալներին դրոշմված են Jaguar լոգոտիպերն, իսկ կենտրոնական արմնկակալին ևս առկա է XJ50 նշանը:

Հիշեցնենք, որ բրիտանական ավտոարտադրողի թողարկած առաջին XJ սեդանը լույս աշխարհ եկավ 1968 թ.: Շատ շուտով այն դարձավ աշխարհում առաջին սերիական չորսդռնանի ավտոմեքենան, որը համալրվում էր 12-գլանանոց շարժիչով: Դրա շնորհիվ ավտոմեքենան ուանկ էր զարգացնել մինչև 225 կմ/ժ արագություն, ինչը չտեսնված ցուցանիշ էր այն ժամանակվա սեդանների համար: Ներկայիս ավտոմեքենան պատկանում է XJ-ի իններորդ սերնդին, որի թողարկումն սկսվել է 2009 թ.-ից:

Ի նշանավորումն տարեդարձի Jaguar-ը նաև հրապարակել է տեսահոլովակ, որն արտացոլում է XJ մոդելի զարգացման կեսդարյա պատմությունը: 

Հայաստանում Jaguar XJ մոդելի հատուկ մոդիֆիկացիայի հասանելիության վերաբերյալ տեղեկություններ կարելի է ստանալ ապրանքանշանի պաշտոնական ներկայացուցիչ՝ «Ֆորա Պրեմիում» ընկերությունից: