Համացանցում հայտնվել են կոնցեպտուալ Mercedes-Maybach գերշքեղ ամենագնացի արտաքինը բացահայտող պատկերներ: Vision կաբրիոլետի և կուպեի ոճով իրականացված նորույթը պաշտոնապես կցուցադրվի հաջորդ շաբաթ Պեկինում մեկնարկող միջազգային ավտոցուցահանդեսում: Ավտոմեքենայի լուսանկարները տեղադրել է Autohome հանդեսը:

Vision Mercedes-Maybach Ultimate Luxury կոնցեպտը շքեղ սեդանի և ամենագնացի համադրություն: Ավտոմեքենայի կողապատկերը թերևս որոշակի նմանություն ունի ապրանքանշանի այլ կուպեատիպ քրոսովերների, օրինակ՝ GLE Coupe-ի հետ: Նորույթին բնորոշ ոճային լուծումների թվում է թափքը, համայնապատկերային տանիքն ու ավտոմեքենայի հետևի հողմապակին երկու մասի բաժանող յուրօրինակ գիծը:

Vision Mercedes-Maybach Ultimate Luxury մոդելի սրահում տեղադրված է չորս առանձին նստատեղ: Առջևի վահանակի վրա են գտնվում մուլտիմեդիա համակարգի դիսփլեյն ու սարքավորումների թվային վահանակը: Դռների պանելները լուսավորվում են եզրագծային լուսավորմամբ, իսկ ինտերիերի լրամշակման մեջ կիրառվում են տեքստուրային փայտ, սպիտակ կաշի, ալյումին և ոսկի: 

Քանի որ ավտոմեքենան նախատեսված է չինական շուկայի համար, կենտրոնական բարձակի հետնամասում արտադրողը տեղադրել թեյի ավանդական հավաքածուն՝ թեյնիկով և բաժակներով: Բացի այդ Mercedes-Maybach-ի դիզայներները նախագծել են կահույքի հատուկ հավաքածու, որն արտացոլում է նոր ամենագնացի ամբողջ շքեղությունը: