BMW Blog Slovenia ինտերնետային էջում հայտնվել են հզորագույն BMW M2 Competition մոդելի առաջին լուսանկարները: Սովորական M-երից նորույթն առանձնանում է առջևի թափարգելի փոփոխված դիզայնով, այլ  տեսքի կողային հայելիներով, ռադիատորի վանդակաճաղով, ինչպես նաև նոր 19-դյույմանոց թեթևաձույլ անվասկավառակներով:

Նախնական տեղեկատվությամբ, BMW M2 Competition-ը կհամալրվի ավելի հզոր շարժիչով: Երեք լիտր ծավալով բիտուրբո V6 շարժիչի հզորությունը կհասնի 410 ձ.ուժ նախկին 370 ձ.ուժի (465 Նմ) փոխարեն, իսկ ոլորող մոմենտը կաճի մինչև 550 Նմ: Ուժային ագրեգատը կհամատեղվի երկու կցորդիչներով համալրվող 7-աստիճան ռոբոտացված փոխանցումատուփով:

Զրոյից մինչև 100 կմ/ժ արագությունը M2 Competition-ը կկարողանա զարգացնել 4,2 վայրկյանում, ինչը 0,1 վայրկյանով ավելի արագ է սովորական տարբերակի ցուցանիշից:  Այս սպորտային կուպեի սրահում կտեղադրվեն M4 մոդելին բնորոշ նստատեղեր, իսկ ուշադրության կենտրոնում կլինեն շարժիչի գործարկման և ղեկանիվի վրայից վարման ռեժիմների փոխարկման կարմիր կոճակները:  

Ենթադրվում է, որ նորույթի պաշտոնական նորոմուտը կկայանա արդեն ապրիլի 25-ին՝ Պեկինի ավոտսրահում: