Ինչպես և ամեն տարի Focus2Move կայքի մասնագետները հրապարակել են վերջին տասներկու ամիսների ընթացքում աշխարհում առավել շատ վաճառված նոր ավտոմեքենաների ցանկը: Նախորդ տարվա հետ համեմատ առաջին եռյակը մնացել է անփոփոխ: Չնայած տոկոսային անկմանը, առաջատարի դիրքը պահպանել է Toyota Corolla-ն, որը գրանցել է 1.224.990 օրինակ ցուցանիշը: Դրան հետևում են Ford F-Series (1.076.551 ավտոմեքենա) և Volkswagen Golf –ը (952.826 ավտոմեքենա):

Առանձնակի հիշատակման է արժանի Honda Civic-ի գրանցած առաջընթացը, որը կայուն աճ է ցուցադրում վերջին մի քանի տարիների ընթացքում և 2017-ին աճել է  ևս 21,7%-ով և գրանցել 819.005 վաճառված ավտոմեքենա ցուցանիշ: Շարունակական առաջընթաց են գրանցում նաև SUV սեգմենտի ավտոմեքենաները, ինչի ապացույցն է Toyota RAV4-ի,  Honda CR-V-ի և Volkswagen Tiguan-ի արդյունքները: 

Ստորև ներկայացնում ենք լավագույն տասնյակի ամբողջական ցանկը: Փակագծերում նշված  է վաճառքների բացարձակ թիվը և տոկոսային տարբերությունը 2016 թ համեմատությամբ:

1. Toyota Corolla                            (1.224.990 / -6,6%)

2. Ford F-Series                              (1.076.551) / +8,7%)

3. Volkswagen Golf                        (952.826 / -3,5%)

4. Honda Civic                                (819.005 / +21,7%)

5. Toyota RAV4                              (807.401 / +11%)

6. Honda CR-V                               (748.048 / -0,4%)

7. Volkswagen Tiguan                     (703.143 / +34,5%)

8. Ford Focus                                  (671.923 / -6,3%)

9. Chevrolet Silverado                    (660.530 / +3,5%)

10. Volkswagen Polo                      (656.179 / -6,6%)