Nissan Pathfinder 2017-ի արտաքին դիզայնը իրականացված է ավտոմոբիլաշինության  նորագույն դիզայներական ուղղությունների համաձայն: Վերափոխված թափարգելները, արտահայտիչ կոպոտը, նորաոճ լուսարձակները և իհարկե նոր գունային երանգները դարձնում են մեքենան ավելի շքեղ,  սլացիկ և պատրաստ նոր մարտահրավերի:

Ինչ վերաբերում է նոր Pathfinder-ի ինտերիեր դիզայնին, ապա Nissan-ն իր հաճախորդներին է պարգևում ոճային և անմոռանալի ուղևորություն: Կաշեպատ նստարանները, փայտյա երեսպատումները, քրոմապատ դետալներն ընդամենը մի քանիսն են առաջարկվող հարմարություններից: Այժմ Nissan Pathfinder-ն արդեն իսկ բազային տարբերակում առաջարկում է ութ դյույմանոց սենսորային էկրան՝ լրացուցիչ բարձրախոսով, USB միացումով և կատարելագործված մոնիտորով: 

Նոր Nissan Pathfinder-ը հագեցված է վերահսկողության ամենաժամանակակից համակարգերով: Դրա խելացի տեխնոլոգիաները նախատեսված են զանազան ճանապարհային իրավիճակները վերահսկելու համար: Չորս տեսախցիկները տալիս են Ձեր մեքենայի իրական 360-աստիճան պատկերը և հնարավորություն՝ էկրանն ընտրողաբար բաժանելու առջևի, հետևի և կողային տեսադաշտի պատկերների խոշոր պլանների: Սա թույլ է տալիս նաև ավելի լավ պատկերացում կազմել ավտոմեքենայի շրջակայքում կատարվող իրադարձությունների մասին:

Այսպիսով Nissan Pathfinder-ը առանձնանում է բացառիկ ամրությամբ և դիմացկունությամբ: Այն հատկապես կհետաքրքրի նրանց, ովքեր գերադասում են ընտանեկան հանգիստը, ճանապարհորդություններն ու ընկերական արկածները: 

Հայաստանում մոդելի մասին առավել մանրամասն ինֆորմացիա կարող եք ստանալ՝ այցելելով կամ զանգահարելով Nissan ապրանքանիշի պաշտոնական ներկայացուցիչ՝ ՙՄուրան՚ ընկերություն: