Երևան, 14-15 հոկտեմբեր, 2017 թ. Բրիտանական Jaguar և Land Rover ապրանքանշանների պաշտոնական ներկայացուցիչ՝ «Ֆորա Պրեմիում» ընկերությունն առաջին անգամ Հայաստանում նախաձեռնել է Land Rover Experience Tour և Jaguar. The Art of Performance Tour համատեղ միջոցառումը, որի նպատակն է լայն հանրությանը ավելի հասանելի դարձնել բրիտանական արտադրության այս շքեղ ու գերժամանակակից ավտոմեքենաները: Միջոցառումը անց է կացվելու JLR տարածաշրջանային ներկայացուցչության հովանու ներքո: Սա մեկն է նմանատիպ միջոցառումներից, որոնք պարբերաբար իրականցվում են Ռուսաստանի, Բելարուսի և Ղազախստանի դիլերների կողմից: 

Թեստ-դրայվերը կանցնեն Jaguar Land Rover Experience ռուսաստանյան կենտրոնի փորձառու հրահանգիչների ուղղորդությամբ, ինչը ոչ միայն թույլ կտա առավել ամբողջական դարձնել ծանոթությունը ավտոմեքենաների հետ, այլև կնպաստի միջոցառման մասնակցիների և հյուրերի անվտանգությանը:

Արտաճանապարհային Land Rover և Range Rover ավտոմեքենաների փորձարկման համար նախատեսվել են «Տերապոդ» կոչվող հատուկ սարքերը, որոնք կրկնօրինակում են արտաճանապարհային պայմաններ և հնարավոր են դարձնում այս հզոր ամենագնացների ունակությունների բացահայտումը:

Միևնույն ժամանակ բոլոր այն մասնակիցները, որոնք կցանկանան փորձարկել Jaguar մակնիշի մոդելները, հնարավորություն կստանան սեփական փորձով գնահատել դրանց բացառիկ հարմարավետությունը, կառավարելիությունը ու բազմաթիվ նորագույն տեխնոլոգիաները: 

Կազմակերպիչները չեն մոռացել նաև ամենակրտսեր հյուրերին: Երեխաները կկարողանան հատուկ նախապատրաստված հրապարակում փորձարկել Jaguar Land Rover ֆիրմային էլեկտրական մինի-ավտոմեքենաները: 

Թեստ-դրայվին վարորդի կարգավիճակով կարող են մասնակցել 22 տարին լրացած և առնվազն երկու տարվա վարորդական փորձ ունեցող անձիք: Այս պայմանին չհամապատասխանող մնացած մարդիկ կարող են մասնակցել որպես հյուր: Միջոցառումը բաց է նաև ԶԼՄ ներկայացուցիչների համար՝ ընդհանուր հիմունքներով: Մասնակցության համար բացված է գրանցման հատուկ ձև, որը տեղադրված է landroverarmenia.am և jaguararmenia.am կայքերում: 

Land Rover Experience Tour և Jaguar. The Art of Performance Tour համատեղ միջոցառումը տեղի կունենա հոկտեմբերի 14-ին և 15-ին Երևան, Աճառյան 42 հասցեում՝ «Ֆորա Պրեմիում» ընկերության տարածքում:

Տեղում մասնակիցների գրանցումը կսկսվի ժամը 9:45-ից և կտևի մինչև 19:00-ն: