ՆՈՐՈՒԹՅՈՒՆՆԵՐ
"ԱՅՍՄԵՆԻ" ՎԵՐԱԴԱՐՁԸ
18 Մարտ 2013
Կիրակի, մարտի 17-ին կայացավ 2013թ. Ֆորմուլա 1 մրցարշավի առաջին փուլը: Ավանդույթի համաձայն այն հյուրընկալել էր Մելբուրնի Ալբերտ-պարկ քաղաքային մրցուղին: Արդեն շաբաթ օրը եղանակն անակնկալ մատուցեց` հորդառատ անձրևի պատճառով որակավորման մրցումների երկրորդ ու երրորդ մասերը տեղափոխվեցին կիրակի: Հասկանալի է, որ մեկնարկել մրցավազքում անմիջապես որալավորումից մի քանի ժամ անց շատ հեշտ չէ, մանավանդ, երբ զուտ որոկավաորումը լի էր պայքարով: Պետք է նշել, որ վերջին տարիներին որակավարումը նմանվել է մի միջոցառման, որտեղ մասնակցում են 24 պիլոտ, իսկ հաղթանակը գրեթե միշտ բաժին է հասնում Սեբաստիան Ֆեթելին: Ահա այս անգամ էլ աշխարհի եռակի չեմպիոնը ոչ մի հնարավորություն չթողեց բոլոր մրցակիցներին` գերզանցելով իր թիմակից Մարկ Ուեբբերին գրեթե 0.5 վայրկյանով: Հաճելիորեն զարմացրեցին իրենց արագությամբ երկու Ֆերրարիները: Անցա տարվա կատարյալ ձախողումից հետո փայլեց Ֆելիպե Մասան, ով կարողացավ նույնիսկ առաջ անցել Ֆերնանդո Ալոնսոյից: Երրորդը Լյուիս Հեմիլթոնն էր, ում տեղափոխությունը Մեսրսեդես, կարծես, այդքան էլ չի ազդել բրիտանացու մոտիվացիայի վրա` նա երրորդն էր: ՄԻ փոքր ավելի հետ մնացին Lotus-ի մրցարշավորդները: Իսկ ահա McLaren-ը կարելի է ասել տապալեց միջմրցաշրջանային նախապատրաստությունը: Մեքենայի նախագծման ժմանակ կիրառված ռիսկային մոտեցում չարդարացավ: Արդյունքում Ջենսոն Բաթոնը 10-րդն էր, իսկ թիմի նորեկ` Սերխիո Պերեսը` միայն 15-րդը: