ՆՈՐՈՒԹՅՈՒՆՆԵՐ
Երևանում բացվել է ГАЗ ապրանքանիշի նոր դիլերային կենտրոնը
20 Հոկտեմբեր 2023
Հանրահայտ ГАЗ ապրանքանիշի պաշտոնական ներկայացուցիչ «Կարկոմավտո» ընկերությունը բացել է իր նոր դիլերային կենտրոնը Երևանում՝ Մազմանյան 1 հասցեում («Գարաժ Մաստերս Մոլի» տարածք): Նոր դիլերային կենտրոնի ընդարձակ և նորագույն ստանդարտներով կառուցված սրահում հնարավոր կլինի ծանոթանալ և ձեռք բերել ГАЗ ապրանքանիշի ցանկացած մոդել: Սրահը հագեցած է ժամանակակից սարքավորումներով, որոնք համապատասխանում են արտադրողի բարձր չափանիշներին։
Դիլերային կենտրոնի բացման կապակցությամբ «Կարկոմավտո» ընկերությունը իր ֆինանսական գործընկերների հետ համատեղ հնարավորություն է տալիս՝ մեքենաները ձեռք բերել հնարավորինս շահավետ պայմաններով։ Մասնավորապես, ընկերությունը առաջարկում է սկսած 0% տարեկան տոկոսադրույք ГАЗель NEXT ավտոմեքենաների ձեռք բերման դեպքում:
Հիշեցնենք, որ «Կարկոմավտո» ընկերությունը հանդիսանում է ռուսական УАЗ , իսկ 2022 թվականից նաև ГАЗ ապրանքանիշների պաշտոնական ներկայացուցիչը Հայաստանում: Ընկերությունն իր հաճախորդներին է ներկայացնում այս ապրանքանիշների ամենատարբեր մոդելներ՝ իրականացնելով նաև ավտոմեքենաների երաշխիքային և hետերաշխիքային սպասարկում: