Բրիտանական Land Rover ընկերությունը հրապարակել է նոր Defender մոդելի գովազդային հոլովակ, որի հիմքում ընկած են կադրեր՝ Ջեյմս Բոնդի արկածների մասին պատմող «Մահանալու ժամանակը չէ» (No Time to Die) ֆիլմի նկարհանումներից: 

Ֆիլմի նկարահանումներում ներգրավված է տասը Land Rover Defender ավտոմեքենա, այդ թվում նաև 007 VIN-համարով ամենագնացը: Բոլոր մեքենաներն էլ արտադրվել են սլովակիայում գտնվող JLR-ի գործարանում: Ֆիլմում նկարահանվող մոդելները կառուցված են Defender 110 X մոդիֆիկացիայի հիման վրա, ներկված են  Santorini Black գույնով և ներկայացվել են հատուկ արտաճանապարհային անվադողերով  սարքավորված 20-դյույմանոց անիվներով:

Unstoppable («Անկասելին») անվանմամբ տեսահոլովակում Defender-ները կատարում են 30-մետրանոց թռիչք, արագ իջնում են բլուրից, հաղթահարում են ջրային խոչընդոտը և խորը ցեխով պատված տարածությունը: Վերջում, նույնիսկ կողաշրջվելուց հետո, Defender-ը նորից վերադառնում է նորմալ դիրքի և շարունակում ճանապարհը:

Հիշեցնենք, որ նոր Land Rover Defender 110-ը առանձնանում է 291 մմ լուսածերպով և կարող է հաղթահարել մինչև 900 միլիմետր խորությամբ ջրային խաչընդոտներ: Ուղեմուտքի, վայրէջքի և թեքանցման անկյունները պնևմատիկ կախոցի առավելագույն բացված դիրքում կազմում են համապատասխանաբար 38, 40 և 28 աստիճան: