BMW ընկերությունը արհեստական թավշակաշի արտադրող հանարահայտ Alcantara ընկերության հետ համատեղ ներկայացրել են X5 քրոսովերի Timeless Edition (թարգմանաբար՝ «հավերժ») մոդիֆիկացիան: Ավտոմեքենան կարտադրվի սահմանափակ 50 օրինակով և կնվիրվի X-ընտանիքի առաջին մոդելի թողարկման 20-ամյակին:  

Սերիական մոդելից նոր քրոսովերը տարբերվում է թափքի հատուկ սպիտակ երանգով՝ Mineral White և ալյումինե վերդիրներով: Սարքավորումների ցանկում է նաև xOffroad փաթեթը, որը ներառում է պնևմատիկ կախոց, սպորտային դիֆերենցիալ և շարժիչի, կախոցի, ղեկային կառավարման և օժանդական համակարգերի աշխատանքի չորս ռեժիմներ:

Սրահի լրամշակմամբ զբաղվել է իտալական Alcantara ընկերությունը: Դրա արտադրած արհեստական թավշակաշվով պատված են ավտոմեքենայի սրահի գրեթե բոլոր մակերևույթները, ներառյալ դռների վահանակները, արմնկակալներն ու նստատեղերը: Առջևի նստատեղերի գլխակալներին առկա են Timeless Edition և Powered by Alcantara գրությունները:

Թողարկված ավտոմեքենաների բոլոր հիսուն օրինակները հասանելի կլինեն Իտալիայում, ընդ որում արժեքը կհաղորդվի միայն պոտենցիալ հաճախորդի հատուկ հարցման դեպքում: