Panamera շարքի տասնամյա հոբելյանի կապակցությամբ Porsche ընկերությունը ներկայացրել է հատուկ մոդիֆիկացիա՝ 10 Years Edition անվանմամբ: Այս տեսակի ավտոմեքենաները առանձնանում են դեկորի ոսկեգույն տարրերով և ստանդարտ սարքավորումների լայն ցանկով: 

Porsche Panamera 10 Years Edition-ի արտաքին տարբերությունները առավել ակնառու են  21-դյույմանոց «սպիտակ ոսկի» երանգով առանձնացող Panamera Sport Design անվասկավռակներում և առջևի դռների վրա առկա Panamera 10 նշաններում: Սպորտկարի սրահում ևս նկատելի են այս տարբերանշանները: Լրամշակման համար կիրառվել է թանկարժեք կաշի, իսկ White Gold դարձակարը հանդիսանում է դեկորի պարտադիր տարր:  Հոբելյանական այս փաթեթը հասանելի է  Panamera 4, Panamera 4 E-Hybrid և 2,9 լիտր ծավալով, 330 ձ.ուժ հզորությամբ V6 բիտուրբո շարժիչով համալրված Sport Turismo մոդիֆիկացիայի համար:

Արդեն գործարանային տարբերակում Porsche Panamera 10 Years Edition-ը սարքավորվում է լուսադիոդային մատրիցային լուսարձակներով, որոնք առանձնանում են լուսավորության դինամիկ կարգավորման և լուսային ճառագայթի ուղղության կարգավորման ֆունկցիայով, ինչպես նաև կայանմանն օժանդակող համակարգով, շարքի պահպանման ֆունկցիայով, համայնապատկերային տանիքով, 14 հարաչափով կարգավորվող և տաքացվող նստատեղերով, դռների չափաբերիչներով և տարածական հնչողությամբ BOSE աուդիոհամակարգով: Բացի այդ սարքավորումների ցանկը ներառում է եռախցիկ պնևմակախոց և արագության հանդեպ զգայուն՝ ղեկի էլեկտրմեխանիկական ուժեղացուցիչ: 

Հիշեցնենք, որ Porsche Panamera-ի համաշխարհային նորամուտը կայացել է 2019 թվականի ապրիլի 19-ին Շանհայում: Դրանից երկու տարի անց գերմանական ընկերությունը ներկայացրել է մոդելի հիբրիդային մոդիֆիկացիան: Արտադրության տասը տարիների ընթացքում վաճառվել է տարբեր սերնդի և մոդիֆիկացիաների շուրջ 251 000  Porsche Panamera: