Ճապոնական Toyota ընկերությունը տեղական շուկա է հանում Corolla մոդելի 12-րդ սերունդը՝ սեդան և ունիվերսալ թափքերով: Նորույթը անցում է կատարել գլոբալ TNGA հենահարթակի, սակայն չափսերով որոշակիորեն տարբերվում է գլոբալ մոդելից:

Ճապոնական սեդանն ու ունիվերսալը զգալիորեն փոքր են, քան իր նախորդները, քանի որ սերնդափոխության հետ մեկտեղ Corolla-ն ստացել է  TNGA հենահարթակ, նախկին երկարացված Yaris-ի փոխարեն: Երեք մոդիֆիկացիաների, այն է՝ հեչբեք, սեդան և ունիվերսալ, անվային բազան նույնն է և կազմում է 2640 մմ: Նախորդ սերնդի հետ համեմատ նոր Corolla սեդանը կարճացել է 135 մմ, իսկ ունիվերսալը՝ 155 մմ, բացի այդ դրանք ավելի նեղ են՝ համապատասխանաբար 35 և 45 միլիմետրով:

Շարժիչների ցանկը ներառում է 140 ձ.ուժ հզորությամբ 1,8 լիտր ծավալով մթնոլորտային ագրեգատը և 116 ձ.ուժ հզորությամբ 1,2-լիտրանոց տուրբոշարժիչը:  Բացի այդ հասանելի է և հիբրիդային մոդիֆիկացիան, որը բաղկացած է 98 ձ.ուժ հզորոթյամբ 1,8-լիտրանոց բենզինային ագրեգատն ու 72 ձ.ուժ հզորությամբ էլեկտրական շարժիը: Հիբրիդային Corolla-ի համար հասանելի է նաև հետևի սռնիի վրա տեղդրված 7.2 ձ.ուժ հզորությմբ լրացուցչ էլեկտրական շարժակ: Նոր սերնդի  Corolla-ի գները Ճապոնիայում սկսում են 17,9 հազար դոլարից սեդանի, և 18,6 հազար դոլարից ունիվերսալի համար:

Հայաստանում Toyota Corolla-ն վաճառվում է բացառապես սեդան թափքով  և սարքավորվում է 1,6 լիտր ծավալով և 122 ձ.ուժ հզորությամբ քառագլան բենզինային շարժիչով, որը համակցվում է 6-աստիճան մեխանիկական կամ վարիատորային փոխանցումատուփի հետ: