Renault ընկերությունը ներկայացրել է «վերջին կիլոմետրի» առաքման խնդրի կոնցեպտուալ լուծում: Խոսքը EZ-PRO հենահարթակի  մասին է, որը բաղկացած է քարշակող ինքնավար մոդուլից և քարշակվող ռոբոտացված կապսուլներից: Սա ֆրանսիական ընկերության տեսլականն է լոգիստիկայի և սուրհանդակային ծառայությունների ապագայի մասին: 

 

Գլխավոր մոդուլը սարքավորված է ուղևորատար բաժանմունքով, որի մուտքը իրականացվում է թափքի առաջնամասում գտնվող դռնից:  Խելացի էլեկտրոնիկան իր վրա կվերցնի երթուղու պլանավորումը, առաքման ժամկետներին հետևելը և մոդուլային ռոբոտացված ֆուրգոնների սպասարկումը: Այն նաև կարող է իրականացնել կոտրվող առարկաների կամ սնդդամթերքի առաքում: 

Այս ամենով հանդերձ Renault-ի մասնագետները համարում են, որ մոտ ապագայում լոգիստիկ գործընթացները ամբողջովին չեն ավտոմատացվի, և այդ պատճառով առանջնորդվում է տրանսպորտային գործունեության մարդակենտրոն գաղափարով: 

Առաջարկվող ինքնավար մոդուլների «նավատորմը» կարող է տեղաշարժվել  ինչպես համատեղ՝ ձևավորելով կանոնավոր շարասյուններ, այդպես էլ միմյանցից առանձին: Renault-ի այս կոնցեպտի առանձնահատկություններից մեկն էլ ռոբոտացված մոդուլների տրանսֆորմացիայի և համատեղ օգտագործման հնարավորությունն է:  

Բացի այդ, կոնցեպտը ենթադրում է, որ հաճախորդները կարող են հետևել առաքման  կարգավիճակին սմարթֆոնների միջոցով, ինչպես նաև որոշել, թե որտեղ են ցանկանում ստանալ իրենց ծանրոցներրը: