Ճապոնացիները բացահայտել են նորացվաց RC կուպեն, որի դիզայնը այժմ հնարավորինս մոտեցված է մակնիշի առաջատար՝ LC մոդելին: Ինչպես ֆեյսլիֆթինգի այլ դեպքերում, այստեղ էլ հիմնական փոփոխությունները հիմնականում վերաբերում են արտաքինին:

Նորացվել են առջևի լուսարձակների կտրվածքը և դրանց մեջ ներկառուցված ցերեկային ընթացքի լուսադիոդային կրակների ձևը: Մեծացել են առջևի օդակլանիչները, վանդակաճաղային ցանցը այժմ առկա է բոլոր տարբերակների համար, այլ ոչ թե միայն F Sport մոդիֆիկացիայում: Այս ամենի շնորհիվ մոդելը զգալիորեն նմանվել է  LC կուպեին:

Մեքենայի հետնամասում նկատելի է օդակլանիչների կառուցվածքի փոփոխությունը: Դա նպաստում է ոչ միայն ագրեսիվ կեցվածք ստեղծելուն, այլև զգալիորեն մեծացնում է ավտոմեքենայի կայունությունը: Լայնացել են նաև L-աձև լուսարձակները:

Բացի արտաքին փոփոխություններից որոշակի նորմուծություններ են կատարվել նաև տեխնիկական տեսանկյունից: Այդպես նորովի կարգաբերվել են կախոցն ու ղեկային կառավարման համակարգը, որոնք դարձել են ավելի սպորտային և դինամիկ: Կուպեն համալրվել է նաև նոր մեղմիչներով և ավելի կոշտ ականոցներով: Զգալիորեն բարելավվել է նաև 2,0-լիտրանոց տուրբոշարժիչը, որի դրոսելային փականակները ավելի արագ են բացվում, ինչն ապահավուոմ է ավելի ընկալուչ արագացում: