Ֆրանսիական Renault ընկերությունը Մոսկվայի Միջազգային ավտոսրահում ներկայացրեց Arkana կուպե-քրոսովերը: Սա ընկերության առաջին մոդելն է, որը զրոյից նախագծվել է տարածաշրջանի համար: Ավտոմեքենայի վաճառքները կսկսվեն Ռուսաստանում, իսկ այնուհետ կտարածվեն նաև դրա հետ փոխկապակցված այլ շուկաներում, ենթադրաբար՝ նաև Հայասատանում:  

Renault Arkana կուպե-քրոսովերը կառուցված է նոր հենահարթակի հիման վրա (հավանաբար, խոսքը զգալիորեն մոդիֆիակցված Global Access-ի մասին է, որը նախկինում հայնտնի էր B0 անվանմամբ), իսկ դրա արտաքինը նախագծվել է ընկերության ֆրանսիական դիզայն-կենտրոնում: Շասսիի կառուցվածքում կիրառված բաղադրիչ մասերի շուրջ 55 տոկոսը նախագծվել է հատուկ այս մոդելի համար և երբևէ չի կիրառվել այլ մոդելների վրա:

Renault-ն դեռևս չի հաղորդում հստակ թվեր, սակայն վստահեցնում է, որ ավտոմեքենան առանձնանում է այս դասում ամենամեծ անվային բազայով, թափքի կոշտությամբ և ղեկային կառավարման նոր համակարգով, որը հատուկ ստեղծվել և կարգավորվել է  Arkana-ի համար:  

Renault Arkana-ն առաջարկվելու է առջևի քարշակմամբ և լիաքարշ տարբերակով: Ընդ որում, ինչպես հավաստիացնում են ընկերությունում, այն կստանա ամբողջությամբ նոր ուժային ագրեգատ, որն ըստ Renault-ի մասնագետների կլինի միաժամանակ հզոր և տնտեսող: 

Սերիական ավտոմեքենայի տեխնիկական մասնագրերը ամբողջոթյամբ կբացահայտվեն  2019 թ., երբ կսկվեն Renault Arkana-ի վաճառքները: Հայաստանում այն հասանելի կլինի մակնիշի պաշտոնական ներկայացուցիչ՝ «Մեգնա» ընկերության ավտոսրահում: