Lada Priora ավտոմեքենայի վերջին օրինակը իջավ Տոլյատիի գործարանի հոսքագծից: Այդ պահը ֆիքսած լուսանկարը հրապարկվել է Instagram-ում՝ Priora Family օգտատիրոջ էջում:  Հիշեցնենք, որ Lada 2170՝ նույն ինքը Priora մոդելը արտադրվել է 2007 թվականից:

Priora ընտանիքի ավտոմեքենաների թողարկումը պաշտոնապես ավարտվեց հուլիսին, չնայած այն բանի, որ դրանից որոշ ժամանակ առաջ հաղորդագրություն տարածվեց, թե «Ռոսստանդարտի» շտեմարանում հայտնվել է Տրանսպորտային միջոցի տեսակի հավանության մասին փաստաթուղթ: Այն վկայում էր, որ մոդելի հավաստագրումը երկարացվել է մինչև 2019 թ դեկտեմբերի 6-ը, սակայան ավելի ուշ պարզ դարձավ, որ հավաստագիրը դուրս էր գրվել սխալմամբ: 

Այսպիսով, իր բոլոր տարատեսակներով մեկ միլիոնից ավել օրինակով թողարկված և ՎԱԶ 2110 մոդելին փոխարինելու եկած ավտոմեքենայի արտադրությունը ևս անցավ պատմության գիրկը: Իսկ այն հոսքագիծը, որի վրա հավաքվում էր Lada Priora-ն այսուհետ կտրամադրվի միայն Lada 4x4-ին: