Ֆրանսիական Michelin ընկերությունը աշխատում  է նոր տեխնոլոգիայի վրա, որը թույլ է տալիս վերականգնել մաշված անվադողերը 3D-տպիչների օգնությամբ:  Ենթադրվում է, որ հատուկ կայաններում վարորդները կկարողանան վերականգնել պաշտպանիչ շերտը՝ ձմեռայինից մինչև կիսասլիկներ: 

Michelin-ի գիտական նախագծերի տնօրեն՝ Սիրիլ Ռոժեի բառերով, 3D-տպագրության զանգվածային արդյունաբերական կիրառումը դեռևս հեռու ապագայի հարց է, բայց ինժեներների թիմը արդեն իսկ գրանցել է զգալի հաջողություններ: Ընդ որում հիմնական հարցահարույց կետը ենթակառուցվածքների ստեղծումն է: 

   

Բացի բնապահպանական որակներից և բարձր էներգաարդյունավետությունից այս տեխնոլոգիան թույլ կտա հավաքագրել անվադողերի վիճակի մասին տվյալները հատուկ շարժական հավելվածի օգնությամբ: Այնուհետև ամպային տեխնոլոգիաների միջոցով այդ տվյալները կհաղրոդվեն 3D-տպիչին, որն էլ ինքնուրույն կընտրի տվյալ անվադողի և եղանակի համար առավել արդյունավետ պրոտեկտորի պատկերը:

Նման տեխնոլոգիաների զարգացումը իրականացվում է Michelin-ի Visionary Concept ծրագրի շրջանակներում: Հետաքրքրական է, որ նախագիծը ենթադրում է ներկայումս նավթամթերքից ստացվող ռետինե խառնուրդի որոշ բաղադրիչների փոխարինումը մանրացված փայտանյութով: