Բրիտանական McLaren ընկերությունը թողարկել է 600LT սուպերկարի պրոմո-տեսանյութը: Ի թիվս ավտոմքենայի բազում տպավորիչ հատկությունների այն ցուցադրում է նաև մոդելի՝ «ուղղաձիգ» արտանետման համակարգի աշխատանքը: 

Մոդելը շուկա է հանվել 2018թ. հունիսի  28-ին և համալրել է Long Tail ընտանիքը: Այս անվանումն առաջին անգամ կիրառվել է դեռևս 1997 թ. F1 GTR մրցարշավային կուպեի համար, իսկ ներկայումս այն կարելի է տեսնել նաև McLaren-ի թեթևացված և «լիցքավորված» ճանապարհային ավտոմեքենաների վրա: 

McLaren 570S կուպեի համեմատ, որի հիման վրա էլ կառուցվել է 600 LT-ն, վերջինս 74 մմ-ով ավելի երկար, և 96 կգ ավելի թեթև է: Նորույթը սարքավորվում է 3,8-լիտրանոց բիտուրբո ուժեղացված շարժիչով (600 ձ.ուժ), հատուկ անվադողերով, թափքի ածխապլաստիկ տարրերով և արդեն իսկ արտադրությունից դուրս եկած McLaren P1 մոդելին բնորոշ ածխամանրաթելային կոնքերով:

McLaren 600 LT մոդելը կթողրակվի սահմանափակ քանակությամբ ընդամենը 12 ամսվա ընթացքում: Առաջին ավտոմեքենաները հաճախորդներին կհանձնվեն արդեն այս տարվա հոկտեմբերին: