Audi ընկերությունը ներկայացրել է A4 ընտանիքի նորացված մոդելները: Սեդանն ու ունիվերսալը ստացել են նոր թափարգելներ, անվասկաառակներ և համալրման նոր սպորտային փաթեթ՝ S line competition անվանմամբ: Ավտոմեքենաների վաճառքները կմեկնարկեն այս տարվա երրորդ եռամսյակում: 

Նոր թափարգելներրը հեշտ ճանաչելի են կողային հնգանկյուն օդակլանիչներով, որոնք առանձնանում են բջջային պատկերով և ալյումինե U-աձև տարրերով: Ռադիատորի վանդակաճաղի դիզայնը կախված է ավտոմեքենայի տարբերակից: 

Հետնամասում ուշադրության են արժանի արտանետման խողովակների նոր վերդիրները, որոնց միջև տեղադրված է ավելի փոքր դարձած դիֆուզորը: Անվասկավառակների հավաքածուն ներառում է 16-ից 19 դյույմ տրամագծով տարերակներ: 

S line competition փաթեթը, որը լրացնում է ավանդական S line-ը, ներառում է բազային լուսադիոդային լուսարձակները, սպորտային կախոցը, արգելակների կարմիր ենթակիրները, Audi տարբերանշանը դռների ստորին հատվածում և 19-դյույմանոց Audi Sport անվասկավառակներ: Բացի այդ ավտոմեքենան հասանելի կլինի նոր երանգով՝ կապույտ Turbo Blue գույնով, և RS4 Avant մոդելից ծանոթ հետևի սփոյլերով: 

S line competition համալրմամբ ավտոմեքենաները կսարքավորվեն նաև կոմբինացված լրամշակմամբ սպորտային նստատեղերով, եռաշյուղ ղեկանիվով և ածխամանրաթելից պատրաստված դեկորատիվ տարրերով: