Այս տարվա փետրվարին ներկայացված չորրորդ սերնդի Hyundai Santa Fe քրոսովերի մոդելային շարքը համալրվել է "լյուքսաին” տարբերակով, որը ստացել է Inspiration անվանումը: Այն առանձնանում է սրահի հարուստ լրամշակմամբ, լրացուցիչ ձայնմեկուսացմամբ և թափքի մի փոքր փոփոխված ձևավորմամբ: 

Արտաքինից նոր համալրումն առավել հեշտ է տարբերել կողեզրերի պլաստիկ վերդիրներից, որոնք ի տարբերություն սովորական Santa Fe-ի ներկված են թափքի գույնի: Փոխվել է նաև առջևի թափարգելի ստորին հատվածի արծաթագույն գոգնոցի ձևը. այն այժմ ձգվում է առաջնամասի ողջ լայնությամբ: 

Այլ առանձնահատկություներից են ռադիատորի քրոմապատ վանադակաճաղը, արտաքին հայելիների արծաթագույն վերդիրները և հատուկ դիզայնով առաջարկվող 19-դյույմանոց անվասկավառակները: Հետևի թափարգելի տակ աչքի են ընկնում երկու տարբեր կողմերում տեղաբաշխված արտանետման խողովակները և հատուկ պաշտպանիչ վահանակը: 

Հիմնական տարբերությունները նկատելի են ինտերիերում՝ նստատեղերը լրամշակված են դարձակարերով և թավշակաշվից ներդիրներով զարդարված մուգ-բորդո գույնի կաշվով: Ձայնամեկուսացումը մեծացվել է առջևում երկշերտ ապակիների կիրառման շնորհիվ: Փոխանցումների փոխարկումը կարելի է այսուհետ իրականացնել ենթաղեկային թերթիկների օգնությամբ:  Santa Fe Inspiration-ը սարքավորվում է նաև ավելի թանկ՝ Continental գերմանական անվադողերով: