Մի քանի օր առաջ արդեն ներկայացրել ենք Audi Q8 մոդելի շնորհանդեսին ընդառաջ թողարկված արկածային սերիալի առաջին մասը: Մայիսի 24-ին գերմանական ընկերությունը տարածեց նաև երկրորդ սերիան, որը կրում է "Unleash the brave” ("Բացահայտել խիզախություն”) ենթավերնագիրը:

Դրվագից մենք մանրամասներ ենք իմանում գլխավոր հերոսների՝ Քվենտինի և Սանդրայի նախկին հարաբերությունների մասին: Դրան զուգահեռ, առևանգումից հետո անապատում կորած մի կիսաքանդ շինության մեջ հայտնված Քվենտինը հայտնաբերում է ավտոմեքենայի անվադողերի հետք և վերհիշում է առևանգման որոշ հանգամանքներ, այդ թվում ավտոմեքենայի մակնիշը: Քայլելով հետքի ուղղությամբ՝ նա դուրս է գալիս ճանապարհ, որտեղ փորձում է կանգնեցնել այդ պահին անցնող բեռնատարը, սակայն վերջինիս դուռը բացելուց հետո, նա դեմ հանդիման տեսնում է իր դեմքին ուղղված հրացանի փողը:

Թե ինչպես կզարգանան իրադարձությունները՝ կիմանանք հաջորդ սերիաներից, որոնք ևս կհրապարակվեն մեր կայքում: