General Motors կոնցերնին պատկանող Buick ապրանքանիշը մանրամասներ է բացահայտել Enspire կոնցեպտուալ քրոսովերի վերաբերյալ, որի հանրային ցուցադրությունը կկայանա ապրիլի վերջին՝ Պեկինի ավտոսրահում:

Buick Enspire քրոսովերը սարքավորված է eMotion էլեկտրական ուժային ագրեգատով, որն ապահովում է  557 ձ.ուժ հզորություն: Մեկ լիցքավորումով այս կոնցեպտը կարող է հաղթահարել շուրջ 600 կիլոմետր: Մարտկոցների բլոկը ապահովում է գերարագ և անլար լիցքավորման հնարավորություն, իսկ դրա լիցքի 80 տոկոսը կարելի է ստանալ ընդամենը 40 րոպեում:

Սրահի ճարտարապետության թեման ստացել է «Շրջակա հորիզոն» (Surround Skyline) անվանումը: Կենտրոնական բարձակն ու արմնկակալները պատրաստված են փայտից և լրամշակված մանրաթելային թավշակաշվով:  Ավտոմեքենան սարքավորված է օրգանական լուսադիոդներով աշխատող էկրանով, լրացված իրականության տեխնոլոգիայով աշխատող պրոյեկցիոն դիսփլեյով, ինչպես նաև 5G կապով համացանցին միանալու հնարավորությամբ:

Հիշեցնենք, որ մինչ այդ Buick-ը հայտարարել էր  հիբրիդային և էլեկտրական ուժային ագրեգատով Velite 6 մոդելի արտադրության մասին: