Ինչպես հաղորդում է Newsgeorgia.ge կայքը Վրաստանի Ոստիկանությունը Ճապոնիայի կառավարությունից որպես նվեր ստացել է Mitsubishi մակնիշի 96 հիբրիդային և էլեկտրական ավտոմեքենա, որոնց հանձնման հանդիսավոր արարողությունը տեղի ունեցավ Թբիլիսիում:

Միջոցառմանը մասնակցեցին Վրաստանի վարչապետ Գեորգի Կվիրիկաշվիլին, փոխվարչապետ, ՆԳ նախարար Գեորգի Գախարիան, Թբիլիսիի քաղաքապետ Կախա Կալաձեն, Վրաստանում Ճապոնիայի դեսպանն ու Mitsubishi ընկերության ներկայացուցիչներ:

Նոր տեխնոլոգիաներով հագեցած ավտոմեքենաներից 45-ը հանձնվելու են պարեկային ոստիկանությունը, որը պատասխանատու է նաև ճանապարհային անվտանգության և երթևեկության կազմակերպման համար: Վրաստանի ներքին գործերի նախարարը իր ելույթում շնորհակալություն հայտնեց թե Ճապոնիայի կառավարությանը, թե Mitsubishi-ին այս նվերի համար, նշելով, որ ըստ նախնական պայմանավորվածության ավտոմեքենաները, որոնց թվում են Outlander PHEV և iMi-EV մոդելները, նախատեսված էին երկրի կառավարության անդամների համար, սակայն որոշվեց ավելի նպատակային շահագործել դրանք:

Ակնկալվում է, որ միայն վառելիքի տնտեսման հաշվին Ոստիկանությունը կխնայի շուրջ 200 000 դոլար: Նախարարի խոսքերով, սա միայն առաջին քայլն է պարեկային ոստիկանության ավտոպարկի թարմացման ուղղությամբ: