Renault ընկերությունը ներկայացրեց Callie անվանումը ստացած տեխնոլոգիան, որը թույլ կտա ինքնավար ավտոմեքենաներին շրջանցել ճանապարհին հանդիպող խոչընդոտները նույն հաջողությամբ ու վարպետությամբ, ինչպես դա անում են պրոֆեսիոնալ վարորդները: Ինչպես նշում են ֆրասնիական ավտոսհսկայի պաշտոնյաները՝ համակարգը սերիական ավտոմեքենաների վրա կսկսի տեղադրվել մոտակա հինգ տարիների ընթացքում:

Հատուկ փորձարկումները թույլ են տվել համեմատել նոր համակարգի աշխատանքը պրոֆեսիոնալ թեստ-պիլոտների գործողությունների հետ, և այն ցուցադրել է հավասարազոր արդյունավետություն: Ակնկալվում է, որ «խոչընդոտների հաղթահարման տեխնոլոգիան» կդառնա վարորդին օժանդակող համալիր լուծումների մի մաս և կտեղադրվի ապրանքանշանին պատկանող տասնհինգ մոդելների վրա:  

Մինչ այդ արդեն հաղորդվել է, որ Renault-Nissan-Mitsubishi Motors ալյանսը շուրջ 10 միլիարդ եվրո է պատրաստվում ծախսել էլեկտրական ավտոմեքենաների և ինքնավար տրանսպորտային միջոցների արտադրմանն ուղղված նոր հարթակների նախագծման և արդյունաբերական հզորությունների գործարկման վրա: 

Նոր Callie համակարգի աշխատանքը կարող եք տեսնել ստորև բերված տեսանյութում: