Վստահությամբ կարելի է ասել, որ սեպտեմբերը պատմության մեջ գրանցված լավագույն ամիսն էր Եվրոպայում փլագին էլեկտրական մեքենաների վաճառքների առումով: Վաճառնքերը կազմել են շուրջ 33700 ավտոմեքենա, ինչն ապահովել է 32% աճ նախորդ տարվա նույն ժամանակաշրժանի հետ համեմատ:

Սեպտեմբերի բացարձակ առաջատարը Tesla-ն է՝ Model S և Model X տարբերակներով, որոնք միասին վաճառվել են 4662 օրինակով: Ընդհանուր առմամբ վեց մոդել կարողացան հաղթահարել 2000 օրինակի սահմանագիծը՝ ներառյալ արդեն  իսկ հիշատակված երկու Tesla-ները, ընդ որում Tesla Model S-ն առաջինն էր՝ 2526 վաճառված ավտոմեքենայով: Մանրամասն աղյուսակը բերված է ստորև: Դասակարգումը կատարված է 2017թ. հունվար-սեպտեմբեր ժամանակահատվածի համար:

Էլեկտրական փլագին մոդելների վաճառնքերը Եվրոպայում՝ 2017 (հունվար-սեպտեմբեր)*

1 Renault ZOE – 2,306 (23,938)

2 BMW i3 – 2,025 (14,825)

3 Nissan LEAF – 1,387 (14,809)

4 Mitsubishi Outlander PHEV – 2,080 (13,963)

5 Tesla Model S – 2,526 (10,580)

6 VW Passat GTE – 1,264 (9,520)

7 Mercedes GLC350e – 1,191 (9,260)

8 Tesla Model X – 2,136 (8,774)

9 VW e-Golf – 2,041 (7,915)

10 BMW 330e – 1,289 (7,862)

*Առաջին թիվը մատնանշում է սեպտեմբերի վաճառքը, փակագծում տարեկան ցուցանիշն է:

Քանի որ ավանդաբար ավտոմեքենաների վաճառքները Եվրոպայում աճում են տարվա վերջին եռամսյակում, վստահորեն կարելի է նոր ռեկորդներ ակնկալել մինչև տարվա վերջը, այն դեպքում երբ արդեն իսկ գրանցվել է փլագին ավտոմեքենաների շուկայական մասնաբաժնի աճ՝ մինչև – 2.2%:  Միևնույն ժամանակ հաշվի առնելով, որ ավտոմեքենաների շուկան սառեցման փուլում է գտնվում՝ կարելի է եզրակացնել, որ էլեկտրական փոխադրամիջոցների մասնաբաժինը շարունակելու է աճել: 

Որպես համեմատություն կարող եք ծանոթանալ նաև ԱՄՆ-ում նմանատիպ ավտոմեքենաների վաճառքներին, որոնք դեռևս զիջում են Եվորոպային ավելի քան 10000 օրինակով: