Տոկիոյում ավարտված ավտոցուցահանդեսում Honda ընկերությունը բացահայտեց փոքր շարժական կոնցեպտների մի ընտանիք, որը նման չէ մինչ այժմ մեր տեսած ցանկացած բանի: Եվ բնականաբար այս ամնեը էլեկտրական է:  

Աչք շոյող Sports EV և Urban EV կոնցեպտներին զուգահեռ ցուցադրված այս հինգ ֆուտուրիստիկ փոխադրամիջոցները, ասես, գլխիվայր են շրջում մեր պատկերացումները հուսալի և հասկանալի ավտոմեքենաների մասին, որոնցով հայտնի է Honda ապրանքանշանը: Եթե կարծում եք, որ ձեր Civic-ի սարքավարումների վահանակը մի փոքր տարօրինակ է, ապա վստահորեն կարելի է ասել, որ դուք դեռ չեք տեսել այս ամենը: 

Օրինակ՝ կոմպակտ Honda RoboCas կոնցեպտը փոքրիկ էլեկտրական մեքենա է, որը թույլ է տալիս օգտագործել այն զանազան իրավիճակներում: Honda-ում ասում են, որ այն «ստեղծված է՝ իրականացնելու մարդկանց երազանքները:» Այո, երևի: Այն կարող է ծառայել որպես խմիչքների պահարան, եփած նրբերշիկի վաճառակետ, կամ էլ պահակակետ: 

Honda-ի Ie-Mobi Concept ավտոմեքենան նման է RoboCas-ին, սակայն մի փոքր ավելի մեծ է: Այն իրականացված է Honda-ին բնորոշ նոր իմիջային լուծումների ոգով: Այն կարող է էլեկտրաէներգիա մատակարարել տան սարքավորումներին և հակառակը, ինչպես նաև ծառայել որպես առանձին սենյակ: Ճիշտ է՝ ընդամենը հինգ քառակուսի մետր մակերեսով: Հետաքրքիր կլինի իմանալ՝ թե ինչ տեսք կունենա այն ճանապարհների վրա: 

Honda Fure-Mobi-ն ավելի շատ էլեկտրական անվասայլակ է հիշեցնում, քան ավտոմեքենա: Մարդ-մարդ փոխհարաբերակցության թեմայի շուրջ կառուցած այս կոնցեպտը տեղավորում է երկու մեծահասակի և ավելի շուտ նախատեսված է փակ տարախություններում, քան ճանապարհների վրա շահագործվելու համար: Honda-ն հույս ունի, որ այս կոնցեպտի կոգեշնչի մարդկանց՝ միասին ավելի շատ ժամանակ անցկացնել:

Անվասայլակ հիշեցնող ևս մեկ լուծում: Honda Chair-Mobi կոնցեպտը կարող է կրկին օգտագործվել թե դռսում, թե փակ տարածությունների մեջ: Այն կարելի է կարգավորել ըստ բարձրության, իսկ թիկնակը մնում է ուղղահայաց՝ նույնիսկ եթե բարձրանում եք, կամ իջնում եք կտրուկ լանջով: Սակայն ի տարբերություն Fure-Mobi-ի, այս կոնցեպտը նախատեսված է մեկ ուղևորի համար:

Մինչ այժմ մենք խոսում էինք երկու, կամ մեկ նստատեղով փոխադրամիջոցների մասին, իսկ հիմա հերթը հասավ մի լուծման, որն ընդհանրապես նստատեղ չունի: Honda Ai-Miimo կոնցեպտը ռոբոտացված ինքնաշարջ սարք է, որը նախագծված է արհեստական բանականության հետագա մարմնավորման և դրա հետ փոխհարաբերակցությունն ապահովելու համար: Honda-ում նշում են, որ կոնցեպտը «նախագծվել է այն հույսով, որ կստեղծվի մի սարք, որն ավելի կլինի, քան պարզապես ապրանքը, այլ կլցնի մարդկանց կյանքը ժպիտներով և հաճելի պահերով, ինչպես տանյին կենդանիներն ու ընտանիքի անդամները:» 

Դե մնում է պարզապես սպասել՝ տեսնելու համար, թե այս բազմազան ւ բազմանպատակ կոնցեպտներից որն ի վերջո կդառնա մարդկան առօրյա կայնքի մաս: