Օգոստոսի 13-ին Renault ընկերության ջանքերով կայացավ լայնածավալ շրջագայություն, որին հրավիրվել էր «Շանթ» հեռուստաընկերության ավտոլրագրող Երվանդ Ղարիբյանը: Շրջագայությունը իրականացավ Ղազախստանի Իլե-Ալաթաոյի ազգային պարկում, որտեղ փորձարկվեցին Ֆրանսիական Renault մակնիշի արտաճանապարհային և քրոսովերային մոդելները՝ Renault Kaptur-ը և Renault Duster-ը: 

Փորձարկվող ամենագնացների թվում էր նաև այս կարճ ժամանակահատվածում արդեն մեծ ճանաչում վայելող Renault Koleos-ը, որն առայժմ հայ սպառողին չի ներկայացվել: Միջոցառման ընթացքում ավտոմեքենաները անցան բավականին լուրջ փորձություններ,որոնք, իհարկե, հաղթահարեցին պատվով: Այս միջոցառումը իր տեսակով արդեն երկրորդ ճանապարհորդությունն էր Renault-ի ներկայացուցչության հրավերով: 

Դե ինչ, համոզված ենք նմանատիպ միջոցառումները շարունակական բնույթ կկրեն և կօգնեն հանրությանը հնարավորինս լավ ծանոթանալ Renault-ի մոդելային շարքի տեխնիկական հնարավորություններին: