ՏԵԽՍՊԱՍԱՐԿՈՒՄ
ՄԻ ՔԱՆԻ ԽՈՍՔ ՅՈՒՂԻ ՓՈԽԱՐԻՆՄԱՆ ՄԱՍԻՆ
27 Մարտ 2013
Ավտոմեքենայի յուղի
փոխարինումը այն հասարակ գործողություններից մեկն է, որը հաճախ կատարվում է զուտ
մեխանիկորեն՝ առանց ավելորդ մտահոգության: Սովորաբար վարորդները հետևում են
արտադրողների խորհուրդներին, իսկ ավելի փորձառու ավտոսիրողները գերադասում են
ինքնուրույն հետևել ոչ միայն յուղի մակարդակին, այլև պարբերաբար ստուգել դրա
աշխատանքային որակները:
Ստորև բերված
են յուղի օգտագործման վերաբերյալ մի քանի խորհուրդներ: մենք շնորհակալ կլինենք մեր
ընթերցողներին արձագանքների, խորհուրդների և մեկնաբանությունների համար:
1. Երբ է պետք
փոխարինել յուղը?
Ինչպես ասվել
է, յուղի փոխարինման պարբերականությունը որոշվում է կոնկրետ ավտոմեքենայի
շահագործման գրքույկում բերված պահանջներով: Պետք է նշել, որ վառելիք վատ որակի,
աղտոտված օդի և այլ գործոնների պատճառով յուղը շարժիչի մեջ ենթարկվում է առավել զգալի
բեռնվածությունների: Համապատասխանաբար առաջատար մակնիշների շատ պաշտոնական
ներկայացուցիչներ խորհուրդ են տալիս ավելի հաճախ փոխարինել յուղը՝ խուսափելու
համար տհաճ պատահականություններից:
1.
Արդյոք կարելի է չփոխարինել յուղը, եթե
վարորդը պարբերաբար ավելացնում է այն?
Ոչ, յուղի
պարբերաբար ավելացումը չի ազատում ձեզ սահմանված ժամկետում դրա ամբողջական
փոխարինումից: Յուղի գերածախսը կարող է պայմանավորված լինել մեխանիկական
արտահոսքով կամ տվյալ շարժիչի առանձնահատկություններով: Այս դեպքում պարզապես
անհրաժեշտ է ավելացնել յուղը՝ նվազեցնելով ոչ նպատակային կորուստները:
2.
Արդյոք կարելի է միմյանց խառնել տարբեր
հիմքերով և տեխնիկական մասնագրերով յուղեր?
Յուրաքանչյուր
անգամ շարժիչի յուղն ավելացնելիս՝ պետք է հետևել 15%-ի կանոնին. Այն ենթադրում է,
որ նոր ավելացվող յուղի ծավալը չպետք է գերազանցի արդեն իսկ առկա յուղի ծավալի
15%-ը: Ներկայումս ընդունված հիմնական մասնագրերը (օրինակ, եվրոպական ACEA)
ներառում են նաև տարբեր հիմքեր ունեցող յուղերի համատեղելիության փորձարկումներ: Ցանկացած
դեպքում այլ մասնագրերով յուղի ավելացումից հետո անհրաժեշտ է սեղմ ժամկետներում
ամբողջությամբ փոխարինել յուղը՝ շարժիչի վնասվելու հնարավորություննից խուսափելու
համար:
3. Արդյոք արժի հետևել յուղի փոխարինման "սեզոնայնության” սկզբունքին?
Շուկայում
առաջարկվող յուղերից շատերն առաջարկվում են որպես "ունիվերսալ”: Պրակտիկան ցույց է
տալիս, որ նման տեսակի արտադրանքը բավականին հաջող է "իրականացնում իր ֆունկցիան” Հայաստանի
պայմաններում: Սակայն համասեզոնային յուղ ընտրելիս՝ անհրաժեշտ է նույնպես հետևել
ավտոարտադրողի խորհուրդներին: Սովորաբար այսպե կոչված "ձմեռային” յուղերն ունեն W
նշագրումը, "ամառայինների” համար ոչ մի նշագրու չի նախատեսված, իսկ համասեզոնային
յուղերը կրում են կրկնակի նշագրում:
