Հարավկորեական Hyundai ընկերությունը ներկայացրել է էլեկտրական ավտոմեքենայի կոնցեպտ, որը ստացել է 45 EV անվանումը: Մեքենան սարքավորված է էլեկտրական շարժիչով և ինքնավար համակարգով: Մոդելի անվանումը ուղղակիորեն հիշեցնում է ուղիղ 45 տարի առաջ Թուրինում ներկայացված Hyundai Pony Coupe նախատիպի պատմությունը: Հենց այս ավտոմեքենան է համարվում ընկերության առաջին ինքնուրույն նախագծած փոխադրամիջոց:  

Բացի այդ պատմաան փաստից կոնցպետի անվանման մեջ ծածկակգրված է կոնկրետ այս մոդելի առանձնահատկություներից մեկը, այն է, որ թափքի շատ տարրեր թեքված են հենց 45 աստիճան անկյան տակ՝ ձևավորելով կտրատված ուրվագիծ: Ակնկալվում է, որ այս դիզայներական լուծումը ընկած կլինի Hyundai-ի ապագա բոլոր էլեկտրամոբիլների հիմքում: 

Կողային հայելիների փոխարեն ավտոմեքենան սարքավորված է տեսախցիկներով՝ հատուկ շրջդարձային մեխանիզմներով, որոնք թույլ են տալիս վարորդին մաքրել տեսախցիկը՝ առանց սրահից դուրս գալու: Բացի այդ  Hyundai 45 EV-ն ստացել է մոնիթորինգի համակարգ, որի շնորհիվ հնարովոր է դարձել կիրառել ինքնավար տեխնոլոգիաներ: 

Սրահի լուծումները ոգենշված են Style Set Free գաղափարախոսությամբ, որի համաձայն ինքնավար համակարգերով ավոմեքենաները դադարում են ծառայել որպես պարզապես փոխադրամիջոց և դառնում են բնակելի տարածք: Այդ պատճառով սրահում առատորեն օգտագործված են փայտը, կաշին ու գործվածքը, իսկ հատակը ծածկված է բարձրաճաշակ գորգով: Հետևի նստատեղերը հիշեցնում են շեզլոնգներ, իսկ առջևինները կարելի է շրջել 180 աստիճանով, որպեզի ուղևորները կարողանան նստել միմյանց դեմ դիմաց: 

Էլեկտրաշարժիչի տեղադրման շնորհիվ հնարավոր է դարձել վերանայել ավտոմեքենայի կառուցվածքը և մեծացնել ուղևորների համար նախատեսված տարածությունը: Հետևի շարքի համար նախատեսված առանձին դիսփլեյի փոխարեն որոշվել է օգտագործել հատուկ պրոյեկցիոն ճառագայթ, որի օգնությամբ հետևի ողևորները կարող են փոխհաղրոդակցվել հիմնական մուլտիմեդիա համակարգի հետ: