Նշելով իր 70-ամյակը՝ բրիտանական Jaguar ընկերությունը ներկայացրել է F-Type մոդելի կուպե և ռոդսթեր հատուկ տարբերակը՝ Chequered Flag Limited Edition անվանմամբ: Մեքենաները ստեղծվել են R-Dynamic սերիական համալրման հիման վրա՝ ստանալով էքստերիերի և ինտերիերի հատուկ լրամշակում, ինչպես նաև երկգույնանի 20-դյույմանոց անիվներ: 

Jaguar F-Type Chequered Flag Limited Edition-ը առանձնանում է սև կոնտրաստային տանիքով (կուպե տարբերակ), Windsor Leather արտադրության կաշվով լրամշակված ինտերիերով, սպորտային նստատեղերով՝ գլխակալներին վանդակավոր դրոշների պատկերներով, մուգ փայլատ ալյումինե լրամշակմամբ կենտրոնական բարձակով, ինչպես նաև ղեկի՝ կարմիր «զրոյական» նշակետով:

Բացի այդ հատուկ սերիայի մեքենաները ստացել են Exterior Black Design Pack փաթեթ, 20-դյույմանոց երկգույնանի սկավառակներ, կարմիր ամրագոտիներ և արգելակային կարմիր ենթակիրներ: 

Կուպեն և ռոդսթերը սարքավորվում են Apple CarPlay և Android Auto ծրագրերի հետ համատեղելի Touch Pro մուլտիմեդիա համակարգով՝ 10-դյույմանոց էկրանով, ինչպես նաև Meridian աուդիոհամակարգով:

Chequered Flag Limited Edition տարբերակի Jaguar F-Type կուպեն և ռոդսթերը հասանելի են երկլիտրանոց Ingenium քառագլան տուրբոշարժիչներով, որոնք զարգացնում են 300 ձ.ուժ հզորություն, ինչպես նաև 340 կամ 380 ձիաուժ հզորությամբ 3.0-լիտրանոց V6 ագրեգատով: Բոլոր շարժիչները համակցվում են ութաստիճան ավտոմատ փոխանցումատուփով, իսկ քարշակումը կարող է լինել թե հետևի, թե բոլոր չորս անիվների վրա: 

Հիշեցնենք, որ Jaguar-ի մոդելային շարքի այս և այլ ավտոմեքենաների մասին կարող եք տեղեկանալ ապրանքանիշի պաշտոնական ներկայացուցիչ՝ «Ֆորա Պրեմիում» ըներության ավտոսրահից կամ հայալեզու պաշտոնական կայքից: