ABB Group-ընկերությունը, որը հանդիսանում է Ֆորմուլա E առաջնության անվանական հովանավորը, և Qatar Airways ավիաընկերությունը ի նշանավորումն համագործակցության մեկնարկի կազմակերպել էին ուշագրավ մի մրցություն՝ առաջնությանը մասնակցող բոլիդի և երկու ուղևորատար ինքնաթիռների միջև՝ Airbus A350 և Boeing 787 Dreamliner: 

Spark SRT_01E բոլիդի ղեկին էր 2014 թ-ից Ֆորմուլա Е առաջնությանը մասնակցող և ներկայումս Dragon Racing թիմի մրցարշավորդ բելգիացի Ժերոմ դ’ Ամբրոզիոն: Մրցությունը բաղկացած էր երկու փուլից: Առաջինում նրան անհրաժեշտ էր հաղթել Համադ օդանավակայանի թռիչքուղով թափ հավաքող Airbus-ը, իսկ երկրորդում՝ առաջ անցնել վայրէջք կատարող  Dreamliner-ից:

Հիշեցնենք, որ Spark SRT_01E բոլիդը կառուցված է կարբոն-ալյումինե շասսիի հիման վրա, իսկ դրա թափքի պանելները պատրաստված են ածխամանրաթելից և կևլարից: Այս ամենով հանդերձ ավտոմեքենայի քաշը կազմում է ընդամենը  880 կգ: Բոլիդը համալրվում է McLaren Electronic Technologies ընկերության կողմից տրամադրվող էլեկտրական շարժիչով, որի հզորությունը կազմում է 270 ձ.ուժ: Դրա շնորհիվ Spark SRT_01E–ն ունակ է 0-100 կմ/ժ արագությունը զարգացնել երեք վայրկյանում, ինչին նպաստում են նաև հատուկ նախագծված Michelin անվադողերը: 

Մեր  կայքում Formula E առաջնության լուսաբանման հովանավորն է Հայաստանում Michelin ապրանքանիշի միակ պաշտոնական ներկայացուցիչ՝ "Վիտեսս" ընկերությունը: