Ճապոնական Nissan ընկերությունը ներկայացրել է անվտանգ ձմեռային արկածների համար նախատեսված և e-NV200 Winter Camper անվանումը ստացած ամբողջովին էլեկտրական կոնցեպտը: Ձմեռային e-NV200 Winter Camper-ը, որը նախագծվել է ինչպես հաճույք պարգևելու, այնպես էլ շրջակա միջավայրի վրա ազդեցությունը նվազեցնելու տեսանկյունից, համատեղում է էլեկտրական մեքենայի վարումից ստացվող զգացողությունները և վայրի բնության գրկում առաջացող սուր ապրումները: 

Հատուկ նախագծված Nissan Camper Technology Luxury Kit հավաքածուն առաջին անհրաժեշտության պարագա է բնության գրկում յուրաքանչյուր արկածներ որոնողի համար: Այն ներառում է առավելագույն հարմարավետություն և բազմաֆունկցիոնալություն առաջարկող աքսեսուարների հարուստ հավաքածու:  220 Վ լարմամբ սնուցման բլոկը կարելի է լիցքավորել տանիքի վրա տեղադրված արևային վահանակից, իսկ ներկառուցված խոհանոցը, ծալվող մահճակալները և մեկուսացնող ապակին թույլ են տալիս ճկուն հարմարվել ցանկացած պայմաններին: 

Արտաճանապարհային պայմաններին հարմարացված e-NV200 ձմեռային քեմպերը լրամշակվել է ավելի բարդ իրավիճակներում շահագործվելու համար: Պրեմիում կարգի անվադողերն ու ավելի մեծ լուսածերպը ապահովում են օպտիմալ կցորդում և բավարար բարձրություն ցեխի ու ձյան վրա ճանապարհորդելիս, իսկ 5400 լյումեն լուսավորություն ապահովող կրկնակի լուսարձակները ապահովում են առավելագույն տեսանելիություն, երբ դրա կարիքը ամենաշատն է զգացվում: Սարքավորումների թվում են Nissan օրիգինալ աքսեսուարները, այդ թվում առջևի և հետևի ցայտապաշտապնիչներ, կողաին աղեղներ և ռետինե գորգեր, որոնք ապահովում են պաշտպանություն և հարմարավետություն ցանկացած խնդիր կատարելու ընթացքում: 

Nissan e-NV200 Combi մոդելի հիման վրա ստեղծված Winter Camper-ը համալրված է  Nissan-ի առաջադեմ և ինտելեկտուալ տեխնոլոգիաներով, այդ թվում՝ էլեկտրական ուժային ագրեգատով: Այն ապահովում է հզորության և ընթացքի պաշարի օպտիմալ համադրություն, ինչպես նաև ընկալուչ ոլորող մոմենտ և արագացում: Էներգիայի օպտիմալ ծախսը ապահավում են ընթացքի մի քանի ռեժիմները, այդ թվում հատուկ ԷԿՈ-ռեժիմը, որը առանձնանում է նաև ռեկուպերատիվ արգելակման կատարելագործված ֆունկցիայով: Մարտկոցի՝ մինչև 80%-ով  արագ լիցքավորման համար բավարար է ընդամենը 40-60 րոպե: