ՆՈՐՈՒԹՅՈՒՆՆԵՐ

ՆՈՐ RENAULT TWINGO. ԹԱՐՄ ՀԱՅԱՑՔ ԿՈՄՊԱԿՏ ՔԱՂԱՔԱՅԻՆ ԱՎՏՈՄԵՔԵՆԱՅԻ ՎՐԱ

14 Փետրվար 2014

Կոմպակտ ավտոմեքենաների սեգմենտում Twingo-ի առաջին սերնդի հեղափոխական նորելուտից 20 տարի անց Renault-ն նոր հայացք է նետում իր հանրահայտ քաղաքային ավտոմեքենայի վրա: Ապրանքանիշի ինժեներներն ու դիզայներները սկսեցին մաքուր էջից՝ ոգևորությունն ու ներշնչանքը քաղելով օրիգինալ Twingo-ի և Renault 5 մոդելի ժառանգությունից: Արդյունքում ծնվեց ժամանակակից, նորարարական և կոմպակտ ավտոմեքենա, որն ունակ է իրական հաճույք պատճառել վարորդներին:

Այսօր Renault-ն քողազերծում է նոր Twingo -ն և ներկայացնում է չորս տարբեր գույներով առաջարկվող և վառ անհատականությամբ օժտված այս ավտոմեքենան:

DAIMLER-Ի ՀԵՏ ԻՐԱԿԱՆԱՑՎՈՂ ՀԱՄԱՏԵՂ ՆԱԽԱԳԻԾ

2008թ. Renault-ի դիզայներներն ու ինժեներները ձեռնամուխ եղան հաջորդ սերնդի Twingo-ի նախագծմանը՝ ձգտելով վերածնել այն նորարարական ոգին, որը եղել է 1992 թ. արտադրված օրիգինալ Twngo-ի գլխավոր առանձնահատկությունը: Դա հեշտ խնդիր չէր, սակայն նախագծողները լավատեսությամբ էին նայում ապագային՝ հետևելով պաշտամունքային մոդելի փիլիսոփայությանը, որն անմիջապես հայտնվելուց հետո դարձավ Renault-ի ստեղծագործական մտքի խորհրդանիշը:

Նրանց խնդիրն էր՝ ստեղծել էլ ավելի ընդարձակ, բայց միևնույն ժամանակ կոմպակտ քաղաքային ավտոմեքենա՝ փոքրացնելով դրա արտաքին չափսերը: Հենց այդպես էլ ծնվեց շարժիչը մեքենայի հետնամասում տեղադրելու գաղափարը՝ չնայած նման տեխնիկական լուծումը կարող էր ազդել նախագծման ընդհանուր արժեքի վրա:

Renault-ի տեխնիկական մտքերը զարմանալի կերպով համընկան Daimler-ի ինժեներների գաղափարների հետ, որոնք այդ ժամանակահատվածում դիտարկում էին նոր սերնդի Smart մոդելի երկու և չորս տեղանի նախագծերը: Նախնական բանակցություններից հետո 2010թ. երկու ընկերությունները կնքեցին համագործակցության ռազմավարական համաձայնագիր, որը սկիզբ դրեց նոր Twingo -ի և Smart-ի հաջորդ սերնդի երկու և չորս տեղանի մոդելների համատեղ նախագծմանը:.

ՄԵՔԵՆԱՅԻ ՀԵՏՆՄԱՍՈՒՄ ՏԵՂԱԴՐՎԱԾ ՇԱՐԺԻՉ՝ ԱՆՀԱՎԱՆԱԿԱՆ ՄԱՆԵՎՐԱԿԱՆՈՒԹՅՈՒՆ ԵՎ ԱՎԵԼԻ ՄԵԾ ՍՐԱՀ

Շարժիչի տեղադրումը մեքենայի հետնամասում զգալի առավելություն է կոմպակտ փոխադրամիջոցի համար, քանի որ այդ լուծումն ապահովում է առավել կայուն հավասարակշռություն և էականորեն կրճատում է շրջադարձի շառավիղը: Այսպիսով նոր Twingo-ն դարձավ զարմանալի մանևրական՝ մանավանդ նեղլիկ քաղաքային փողոցներում, իսկ կայանման համար բավարար է ղեկի մի քանի շարժում:

Չափսերի փոքրացման և թափքի ծայրային կետերում անիվների տեղադրելուն զուգահեռ շարժիչի հետնամասային դիրքը թույլ տվեց նաև մեծացնել սրահի տարածությունը: Ընդ որում նոր Twingo-ի անվային բազան և ներքին չափսերը ավելի մեծ են, քան նույն դասի այլ մեքենաներինը:

Մանևրականության, ընդարձակ սրահի և կոմպակտ առաջնամասի շնորհիվ նոր Twingo -ն օժտված է բոլոր այն որակներով, որոնք պայմանավորեցին առաջին օրիգինալ մոդելի հաջողությունը՝ 1992թ. Փարիզի ավտոսրահում ներկայացվելուց հետո:

ՎԱՌ ԱՆՀԱՏԱԿԱՆՈՒԹՅՈՒՆ

Նոր Twingo-ն առանձնանում է անկրկնելի հմայքով և մարմնավորում է 2013թ. ներկայացված Renault Twin’Z և Twin’Run կոնցեպտների դիզայնը:

Ինչպես և իր նախորդը՝ նոր Twingo -ն առաջարկվում է չորս վառ գույներով (երկնագույն, սպիտակ, դեղին և կարմիր), որոնք ազդարարում են Twingo-ի առասպելի վերադարձը:

Մեքենայի արտաքին այլ գծերը, օրինակ՝ թեքված հետևի հողմապակին և թափքի ուռուցիկ ձևերը, կրկին փոխառնված են հետնամասում տեղադրված շարժիչով Renault 5 Turbo մոդելից, որը նույնպես մեծ ճանաչում էր ստացել գնորդների շրջանում:

Առջևի մասն իրականացված է Renault-ի ֆիրմային ոճով՝ ներառյալ սև ֆոնի վրա տեղադրված Renault ապրանքանշանը: Առջևի խոշոր լուսարձակները՝ վերին հատվածում տեղադրված շրջադարձի ցուցիչներով, ինչպես նաև ցերեկային լուսադիոդային լամպերը նոր Twingo-ին հաղորդում են էլ ավելի ժամանակակից և տպավորիչ արտաքին տեսք: Նոր Twingo-ի ուրվագծերն ստեղծում են կենդանի և միևնույն ժամանակ վստահ կերպար, իսկ այս կոմպակտի աշխույժ բնավորությունը շեշտվում է առաջին հայացքից ճանաչելի դարձող լուսարձակների համադրությամբ:

Բեռնախցիկի դռան օրիգինալ լայն բացվող ապակին և նույն դռան շարունակությունը հանդիսացող լուսարձակները նոր Twingo-ին հաղորդում են ժամանակակից տեսք:

Մոդելի պատմության մեջ առաջին անգամ կիրառվող հինգ դռնանի նորարարական կառուցվածքը դարձնում է այն ավելի ունիվերսալ, քան երբևէ:

Նոր Twingo-ն ունի այն բոլոր առանձնահատկությունները, որոնք կանխորոշեցին դրա ավագ "եղբայր”՝ նոր Clio-ի հաջողությունը, ներառյալ սահանցիկ ուրվագիծը, հետևի դռների թաքնված բռնակները, ինչպես նաև թափքի համար առաջարկվող տարբեր գույների և արտաքին ձևավորման զանազան տարրերի (դռների հայելիներ, պաշտպանիչ կողային վերդիրներ և այլն) հաշվին անհատականացման հնարավորությունը: Թափքի չորս գույները և անհատականացման օպցիաները թույլ են տալիս կերտել նոր Twingo-ի սեփական պատկերը՝ քաղաքայինից մինչև սպորտային, առնականից՝ մինչև կանացի:

"Նոր Renault Twingo-ն ստեղծելիս՝ մենք ոգեշնչվել ենք ոչ միայն օրիգինալ Twingo-ով, այլև Renault 5-ով: Սա ժամանակակից հայացք է քաղաքային ավտոմեքենայի վրա՝ արտաքին դիզայնի և ճարտարապետության ոլորտում կիրառվող նորարարական շեշտադրումներով: Նոր Twingo-ն ուրախ, աշխույժ և արագաշարժ քաղաքային կոմպակտ է ”, - ասում է Լորենս վան դեն Աքերը՝ Renault Խմբի արտադրական դիզայնի գծով տնօրենը:

ՆՈՐ TWINGO` ՀԱՅԱՑՔ ՆԵՐՍԻՑ

2014թ մարտի 4-ին Ժնևի ավտոսրահում կներկայացվի նոր Twingo-ի սրահը: Ինչպես և թափքի գծերի վրա աշխատելիս՝ դսիզայներական թիմը ոգեշնչումը քաղել է այս մոդելի պատմության էջերից՝ առաջարկելով վառ և ուրախ լուծումներ: Սրահը մանրակրկիտ կերպով մտածված է՝ ապահովելու համար առավելագույն հարմարավետություն և ֆունկցիոնալություն առօրյա օգտագործման ժամանակ:

Մեկնաբանություններ

Հարգելի այցելուներ,տեղադրեք այստեղ ձեր կարծիքը նյութի վերաբերյալ` օգտագործելուվ Facebook-ի ձեր հաշիվը: Խնդրում ենք լինել կոռեկտ մեկնաբանություններ թողնելիս: Թեմային չվերաբերող մեկնաբանություններ, գովազդային բնույթի նյութեր, վիրավորանքներ եւ հայհոյանքներ տեղադրել արգելվում է: